ప్రభాస్ అలా చేస్తేనే ఆయనతో మళ్లీ కలిసి నటిస్తా : బాలీవుడ్ బ్యూటీ
Published : Jun 3, 2024, 6:53 AM IST
Prabhas Shraddha Kapoor : సాహోతో తెలుగు ప్రేక్షకులకు దగ్గరైన బ్యూటీ శ్రద్ధాకపూర్. అప్పటికే నార్త్‌లో క్రేజ్ ఉన్న శ్రద్ధాకు ఈ చిత్రంతో సౌత్‌లో డోర్లు తెరిచినట్టు అయింది. కానీ ఈ మూవీ అంతగా ఆడలేదు. అయినప్పటికీ వీరిద్దరి జోడికి మంచి మార్కులు పడ్డాయి. అయితే శ్రద్ధాకు మళ్లీ తెలుగులో అవకాశాలు రాలేదు. ఈక్రమంలోనే తాజాగా ఓ నెటిజన్ శ్రద్ధా కపూర్‌ను మళ్లీ ప్రభాస్‌తో సినిమా ఎప్పుడు చేస్తారు? అని అడిగాడు. దీనికి శ్రద్ధా ఫన్నీగా స్పందించింది. ప్రభాస్ మళ్లీ తన ఇంటి నుంచి ఎప్పుడు భోజనం పంపిస్తే అప్పుడు నటిస్తాను అంటూ సరదాగా చెప్పుకొచ్చింది. ఇది చూసిన నెటిజన్లు శ్రద్దా కపూర్ ఫుడీలా ఉందే? అంటూ నవ్వుకుంటున్నారు. కాగా, సాధారణంగానే ప్రభాస్ సెట్స్లో ఇంటి భోజనం పెట్టి ప్రేమతో చంపేస్తారని చాలా మంది నటులు చెబుతుంటారు. ఇకపోతే శ్రద్ధా, ప్రభాస్ కాంబోలో మరో సినిమా వస్తుందా అంటే చెప్పడం కష్టమే!