రామోజీరావుకు భారతరత్న ఇవ్వాలి: రాజమౌళి

Rajamouli On Ramoji Rao Demise :ఈనాడు గ్రూపు సంస్థల అధినేత రామోజీరావు మృతి పట్ల టాలీవుడ్ డైరెక్టర్ రాజమౌళి దిగ్భ్రాంతి వ్యక్తం చేశారు. ఈ నేపథ్యంలో ట్వీట్ ద్వారా నివాళులు అర్పించారు. రామోజీకి భారతరత్న ఇవ్వడం సముచిత గౌరవం అని అన్నారు.

"ఒక మనిషి అనేక రంగాల్లో వివిధ సంస్థలు స్థాపించి వాటిని ఉన్నత శిఖరాలకు తీసుకెళ్లారు. ఎంతోమందికి మార్గదర్శకంగా నిలిచారు. మరెంతో మందికి ఉపాధి కల్పించారు. అలాంటి వ్యక్తికి భారతరత్న ఇవ్వడమే సముచితమని రెండు తెలుగు రాష్ట్ర ప్రభుత్వాలు, కేంద్ర ప్రభుత్వాన్ని కోరుతున్నాను" అంటూ రాజమౌళి పేర్కొన్నారు.