బాలయ్య వచ్చేస్తున్నాడు​ - NBK 109 షూటింగ్​ ఎక్కడి దాకా వచ్చిందంటే?

Balakrishna NBK 109 Shooting :ఎన్నికల హడావుడి ముగిసింది. దీంతో మళ్లీ సినిమాలపై దృష్టి సారించేందుకు సిద్ధమవుతున్నారు బాలకృష్ణ. ప్రస్తుతం ఆయన హీరోగా బాబీ దర్శకత్వంలో ఎన్​బీకే 109 రూపొందుతోన్న సంగతి తెలిసిందే. ఇప్పటికే కొంత భాగం షూటింగ్​ పూర్తి చేసుకున్న ఈ మూవీ ఈ నెలాఖరు నుంచి పునఃప్రారంభం కానుందని తెలిసింది. హైదరాబాద్‌లో రెడీ చేసిన ప్రత్యేక సెట్‌లో ఈ కొత్త షెడ్యూల్‌ ప్రారంభంకానుందని సమాచారం. ఇందులో భాగంగా బాలయ్యపై కీలక సన్నివేశాలను చిత్రీకరించనున్నట్లు తెలుస్తోంది. కాగా, రీసెంట్​గా చాందినిచౌదరి ఎన్​బీకే 109 షూటింగ్ 50శాతం పూర్తైనట్లు తెలిపింది. మాస్‌ యాక్షన్‌ ఎంటర్‌టైనర్‌గా రూపొందుతున్న ఈ చిత్రంలో బాలయ్య రెండు కోణాలున్న పాత్రలో కనిపించనున్నారు. శ్రద్ధా శ్రీనాథ్‌ హీరోయిన్​ అని టాక్​. ఊర్వశీ రౌతేలా, చాందినీ చౌదరి కీలక పాత్రల్లో కనిపించనున్నారు. తమన్‌ సంగీతమందిస్తున్నారు. సూర్యదేవరనాగవంశీ, సాయిసౌజన్య సంయుక్తంగా నిర్మిస్తున్నారు. బాబీ దేవోల్‌ విలన్​గా నటిస్తున్నారు.