కార్తి 'సర్దార్‌ 2' సెట్‌లో ప్రమాదం - అతడు మృతి

Sardar 2 Shooting Accident : కోలీవుడ్‌ స్టార్​ కార్తి హీరోగా తెరకెక్కుతోన్న కొత్త చిత్రం సర్దార్‌ 2. రీసెంట్​గా మొదలైన ఈ మూవీ సెట్‌లో ప్రమాదం చోటు చేసుకొంది. ఫైట్‌ సీన్స్‌ ప్రాక్టీస్‌ చేస్తున్న స్టంట్​మ్యాన్‌ ఎజుమలై ప్రమాదవశాత్తూ 20 అడుగుల ఎత్తునుంచి కింద పడిపోయారు. వెంటనే స్పందించిన మూవీటీమ్​ అతడిని హాస్పిటల్​కు తీసుకెళ్లింది. కానీ ఫలితం దక్కలేదు. అంత ఎత్తు నుంచి కిందపడటం వల్ల ఛాతీ భాగంలో తీవ్ర గాయం అయిందని వైద్యులు తెలపారు. ఊపిరితిత్తుల్లో రక్తస్రావం కావడం వల్ల ఎజుమలై మృతి చెందాడని వైద్యులు నిర్థరించారని సమాచారం. ఈ ప్రమాదంపై స్థానిక పోలీసులు దర్యాప్తు చేస్తున్నారు. కాగా, కార్తి హీరోగా 2022లో తెరకెక్కిన స్పై, యాక్షన్‌ థ్రిల్లర్‌ చిత్రం సర్దార్‌. తండ్రీ కొడుకులుగా కార్తి ద్విపాత్రాభినయం చేశారు. పి.ఎస్‌.మిత్రన్‌ దర్శకత్వం వహించారు. దీనికి కొనసాగింపుగానే సర్దార్‌ 2 తాజాగా మొదలైంది. ఇందులో ఎస్‌.జె.సూర్య కీలక పాత్రలో నటిస్తున్నారు.