క్రిస్పీ అండ్ టేస్టీ "గుమ్మడికాయ ఫ్రైస్" - సింపుల్​గా చేసుకోండిలా! - ఫ్రెంచ్ ఫ్రైస్​ కంటే ఈజీ!

గుమ్మడికాయతో హల్వా మాత్రమే కాదు - ఓసారి ఇలా పంప్​కిన్ ఫ్రైస్ ట్రై చేయండి!

How to Make Pumpkin Fries : ఫ్రెంచ్ ఫ్రైస్​ అనగానే చాలా మందికి నోరూరిపోతుంది. బంగాళదుంపలతో చేసే వీటిని వయసుతో ప్రమేయం లేకుండా అందరూ ఎంతో ఇష్టంగా తింటారు. ఇక చిన్నపిల్లలైతే ప్రత్యేకంగా చెప్పాల్సిన పనిలేదు. అయితే, బంగాళదుంపలతో మాత్రమే కాదు.. గుమ్మడికాయతో కూడా ఓసారి పంప్​కిన్ ఫ్రైస్ ట్రై చేయండి. వీటి కోసం ఎక్కువ శ్రమించాల్సిన పనిలేదు. చాలా సింపుల్​గా ఫ్రెంచ్ ఫ్రైస్ మాదిరిగానే వీటిని తయారు చేసుకోవచ్చు. పైగా టేస్ట్​ కూడా సూపర్​గా ఉంటాయి! మరి, ఈ సూపర్ టేస్టీ పంప్​కిన్ ఫ్రైస్ తయారీకి కావాల్సిన పదార్థాలేంటి? ఎలా చేసుకోవాలో ఇప్పుడు చూద్దాం.

కావాల్సిన పదార్థాలు :

• రెండు స్పూన్లు - పచ్చి ఆలివ్ నూనె
• రెండు కప్పులు - గుమ్మడికాయ ముక్కలు
• ఒక స్పూన్ - వెల్లుల్లి పొడి
• ఒక స్పూన్ - కార్న్ ఫ్లోర్
• అరస్పూన్ - చిల్లీ ఫ్లేక్స్
• రుచికి సరిపడా - కారం
• అరస్పూన్ - పసుపు
• రుచికి తగినంత - ఉప్పు
• నూనె - తగినంత
• కొద్దిగా - దాల్చిన చెక్క పొడి

తయారీ విధానం :

• ఇందుకోసం ముందుగా గుమ్మడికాయ పైన పొట్టును తీసుకోవాలి. ఆపై ఫ్రెంచ్ ఫ్రైస్ ఆకారంలో నిలువుగా చిన్న చిన్న ముక్కలుగా తరుక్కోవాలి.
• అనంతరం ఒక మిక్సింగ్ బౌల్ తీసుకొని అందులో ఫ్రైంచ్ ఫ్రైస్ షేప్​లో కట్ చేసుకున్న గుమ్మడి ముక్కలు, ఆలివ్ నూనె, పసుపు, కారం, ఉప్పు, వెల్లుల్లి పొడి, దాల్చిన చెక్క పొడి వేసుకొని ఇంగ్రీడియంట్స్ అన్నీ ముక్కలకు పట్టేలా బాగా కలుపుకోవాలి.
• ఇప్పుడు స్టౌపై కడాయి పెట్టుకొని డీప్ ఫ్రైకి తగినంత ఆయిల్ వేసుకోవాలి. నూనె బాగా వేడయ్యాక కలిపి పెట్టుకున్న గుమ్మడి ముక్కలను కాగుతున్న నూనెలో వేసుకొని గోల్డెన్ బ్రౌన్ కలర్ వచ్చేంత వరకు ఫ్రై చేసుకోవాలి.
• తర్వాత ఒక ప్లేట్​లో టిష్యూ పేపర్ వేసుకొని దాని మీద ఫ్రై చేసుకున్న వాటిని వేసుకుంటే అదనపు నూనెను అది పీల్చేసుకుంటుంది. ఆపై సర్వ్ చేసుకుంటే చాలు.. ఎంతో రుచికరంగా ఉండే "గుమ్మడికాయ ఫ్రైస్" రెడీ!
• అయితే, ఒకవేళ మీ ఇంట్లో ఓవెన్ ఉంటే దానిలోనూ చాలా ఈజీగా వీటిని ప్రిపేర్ చేసుకోవచ్చు. అందుకోసం ఓవెన్​ను ముందుగానే 200 డిగ్రీల సెల్సియస్ టెంపరేచర్​కు ప్రీహీట్ చేసుకోవాలి.
• అనంతరం బేకింగ్ ట్రేపై అల్యూమినియం ఫాయిల్ పరచి దానిపై కలిపి పెట్టుకున్న గుమ్మడికాయ ముక్కలను అతుక్కోకుండా విడివిడిగా పెట్టుకోవాలి.
• ఆపై వాటిని ఓవెన్​లో ఉంచి అవి చక్కగా ఫ్రై అయ్యే వరకు ఉంచి తీసుకుంటే సరిపోతుంది. అలాగే ఎయిర్ ఫ్రైయర్​లోనూ చాలా సులభంగా గుమ్మడి ఫ్రైస్​ను తయారు చేసుకోవచ్చు!

ఇవీ చదవండి :