Agniveer Reservation In Paramilitary Forces :సైన్యంలో పనిచేసిన మాజీ అగ్నివీర్లకు కేంద్ర పారమిలిటరీ బలగాల్లో రిజర్వేషన్లు కల్పించనున్నట్లు సీఐఎస్ఎఫ్, బీఎస్ఎఫ్, సీఆర్పీఎఫ్ ప్రకటించాయి. భవిష్యత్తులో చేపట్టే కానిస్టేబుల్ నియామకాల్లో 10 శాతం మాజీ అగ్నివీరులకు రిజర్వ్ చేస్తున్నట్టు పేర్కొన్నాయి. కేంద్ర హోంశాఖ గతంలో తీసుకున్న నిర్ణయానికి అనుగుణంగా ఈ నియామకాలు చేపట్టనున్నట్టు తెలిపాయి.
మాజీ అగ్నివీర్లకు 10% రిజర్వేషన్- ఫిజికల్ ఫిట్నెస్ టెస్టుల్లో మినహాయింపు
Published : Jul 12, 2024, 6:43 AM IST
![మాజీ అగ్నివీర్లకు 10% రిజర్వేషన్- ఫిజికల్ ఫిట్నెస్ టెస్టుల్లో మినహాయింపు Agniveers](https://etvbharatimages.akamaized.net/etvbharat/prod-images/12-07-2024/448-252-21929965-thumbnail-16x9-agniveer.jpg)
Agniveers (ANI)
అగ్నిపథ్ పథకం చర్చనీయాంశమైన నేపథ్యంలో సీఐఎస్ఎఫ్ డైరెక్టర్ జనరల్ నైనా సింగ్, బీఎస్ఎఫ్ అధిపతి నితిన్ అగర్వాల్, సీఆర్పీఎఫ్ దళపతి అనీశ్ దయాల్ ఈ ప్రకటన చేయడం గమనార్హం. భవిష్యత్తులో చేపట్టబోయే కానిస్టేబుల్ నియామకాల్లో 10శాతం వారికి కేటాయిస్తామని తెలిపారు. శారీరక సామర్థ్య పరీక్షల్లోనూ వీరికి మినహాయింపు ఉంటుందన్నారు. తొలి ఏడాది ఐదు సంవత్సరాలు, తదనంతరం మూడు సంవత్సరాల సడలింపు ఇస్తామని చెప్పారు