Upcoming Bikes And Scooters In 2024 : భారత్‌లో ఆటోమొబైల్ రంగం దూసుకుపోతోంది. ఓ వైపు కార్ల అమ్మకాలు భారీగా జరుగుతుంటే, మరోవైపు టూ-వీలర్స్‌ అంతకు మించి సేల్ అవుతున్నాయి. చిన్నా, పెద్దా అనే తేడా లేకుండా ప్రతి ఒక్కరికీ బైక్‌లంటే మస్త్ క్రేజ్ ఉండడమే ఇందుకు కారణం. అందుకే ఈ డిమాండ్‌ను క్యాష్ చేసుకునేందుకు ప్రముఖ ఆటోమొబైల్ కంపెనీలు అన్నీ తమ లేటెస్ట్ బైక్స్ & స్కూటర్స్‌ను భారత మార్కెట్లోకి తెచ్చేందుకు సన్నాహాలు చేస్తున్నాయి. వాటిలో రూ.1 లక్ష నుంచి రూ.2 లక్షల రేంజ్‌లోని బైక్స్ & స్కూటర్స్‌పై ఓ లుక్కేద్దాం రండి.
1. Hero Destini 125 : హీరో డెస్టినీ 125 బహుశా ఈ సెప్టెంబర్‌లోనే లాంఛ్ అయ్యే అవకాశం ఉంది. మార్కెట్లో దీనికి యమహా రే జెడ్‌ఆర్‌ 125, టీవీఎస్ జూపిటర్‌ 125, హోండా యాక్టివా 125 నుంచి గట్టిపోటీ ఎదురుకానుంది.
Hero Destini 125 Features (Expected) :
- ఇంజిన్ కెపాసిటీ - 125 సీసీ
- కెర్బ్‌ వెయిట్‌ - 115 కేజీ
- సీట్ హైట్ - 778 ఎంఎం
- ఫ్యూయెల్ ట్యాంక్ కెపాసిటీ - 5 లీటర్స్‌
- మ్యాక్స్ పవర్ - 9 బీహెచ్‌పీ
- మ్యాక్స్ టార్క్ - 10.4 ఎన్‌ఎం
Hero Destini 125 Price : ఈ హీరో డెస్టినీ 125 స్కూటర్ ధర బహుశా రూ.83,000 నుంచి రూ.90,000 వరకు ఉండవచ్చు.
2. TVS Raider 125 Flex-Fuel : టీవీఎస్ రైడర్‌ 125 ఫ్లెక్స్‌-ఫ్యూయెల్ బహుశా 2024 అక్టోబర్‌లో లాంఛ్ అయ్యే అవకాశం ఉంది. మార్కెట్లో దీనికి హీరో ఎక్స్‌ట్రీమ్‌ 125ఆర్‌, హీరో సూపర్‌ స్ల్పెండర్‌ ఎక్స్టెక్ పోటీగా ఉన్నాయి.
TVS Raider 125 Flex-Fuel Features (Expected) :
- ఇంజిన్ కెపాసిటీ - 124.8 సీసీ
- ట్రాన్స్మిషన్ - 5 స్పీడ్ మాన్యువల్‌
- మ్యాక్స్ పవర్ - 11.2 బీహెచ్‌పీ
- మ్యాక్స్ టార్క్ - 11.2 ఎన్‌ఎం
TVS Raider 125 Flex-Fuel Price : ఈ టీవీఎస్ రైడర్‌ 125 ఫ్లెక్స్‌-ఫ్యూయెల్ ధర బహుశా రూ.1,00,000 నుంచి రూ.1,10,000 వరకు ఉంటుంది.
3. Honda CB300F Flex-Fuel : హోండా సీబీ300ఎఫ్‌ ఫ్లెక్స్‌-ఫ్యూయెల్ బహుశా అక్టోబర్‌లో లాంఛ్ అయ్యే అవకాశం ఉంది. దీనికి హీరో కరిజ్మా XMR, రాయల్ ఎన్‌ఫీల్డ్‌ క్లాసిక్‌ 350, జావా 42 ఎఫ్‌జే నుంచి పోటీ ఎదురుకానుంది. ఈ హోండా బైక్‌ను భారత్ మొబిలిటీ ఎక్స్‌పో 2024లో ప్రదర్శించారు. దీనిలో స్ల్పిట్‌-స్టైల్‌ సీట్స్ అమర్చారు.
Honda CB300F Flex-Fuel Features (Expected) :
- ఇంజిన్ కెపాసిటీ - 293.52 సీసీ
- ట్రాన్స్మిషన్ - 6 స్పీడ్ మాన్యువల్‌
- మ్యాక్స్ పవర్ - 24.13 బీహెచ్‌పీ
- మ్యాక్స్ టార్క్ - 25.6 ఎన్‌ఎం
Honda CB300F Flex-Fuel Price : ఈ హోండా సీబీ300ఎఫ్‌ ఫ్లెక్స్‌-ఫ్యూయెల్ ధర బహుశా రూ.1,90,000 నుంచి రూ.2 లక్షల వరకు ఉండవచ్చు.
4. Bajaj Pulsar N125 : బజాజ్ పల్సర్‌ ఎన్‌125 అక్టోబర్‌లో లాంఛ్ అయ్యే అవకాశం ఉంది. దీనికి హీరో గ్లామర్‌ ఎక్స్టెక్, ఓలా రోడ్‌స్టర్‌, బజాజ్ ఫ్రీడమ్‌ల నుంచి గట్టి పోటీ ఎదురుకానుంది.
Bajaj Pulsar N125 Features (Expected) :
- ఇంజిన్ కెపాసిటీ - 125 సీసీ
- ట్రాన్స్మిషన్ - మాన్యువల్‌
Bajaj Pulsar N125 Price : బజాజ్ పల్సర్‌ ఎన్‌125 ధర బహుశా రూ.90,000 నుంచి రూ.1,00,000 మధ్య ఉండవచ్చు.
5. KTM 125 Duke (2024) : కేటీఎం 125 డ్యూక్‌ కూడా అక్టోబర్‌లోనే విడుదల అయ్యే అవకాశం ఉంది. దీనికి రాయల్ ఎన్‌ఫీల్డ్‌ బుల్లెట్ 350, బజాజ్ డొమినార్‌ 250, ఒడిస్సే వాడర్ నుంచి పోటీ ఉండనుంది.
KTM 125 Duke Features (Expected) :
- ఇంజిన్ కెపాసిటీ - 124.9 సీసీ
- ట్రాన్స్మిషన్ - 6 స్పీడ్ మాన్యువల్‌
- సీట్ హైట్ - 800 ఎంఎం
- మ్యాక్స్ పవర్ - 14.7 బీహెచ్‌పీ
KTM 125 Duke Price : కేటీఎం 125 డ్యూక్‌ ధర బహుశా రూ.1,75,000 నుంచి రూ.1,80,000 వరకు ఉండవచ్చు.
6. Honda Activa 7G : హోండా యాక్టివాకు ఇండియన్ మార్కెట్లో ఉన్న క్రేజ్ గురించి ప్రత్యేకంగా చెప్పాల్సిన పనిలేదు. అందుకే హోండా కంపెనీ అక్టోబర్‌లో యాక్టివా 7జీని లాంఛ్ చేయడానికి సన్నాహాలు చేస్తోంది. దీనికి హీరో ప్లెజర్‌+ఎక్స్టెక్, సుజుకి యాక్సెస్‌ 125 నుంచి పోటీ ఉంటుంది.
Honda Activa 7G Features (Expected) :
- ఇంజిన్ కెపాసిటీ - 110 సీసీ
Honda Activa 7G Price : ఈ హోండా యాక్టివా 7జీ ధర బహుశా రూ.80,000 నుంచి రూ.90,000 వరకు ఉంటుంది.
మంచి స్పోర్ట్స్ బైక్ కొనాలా? టాప్-5 ఆప్షన్స్ ఇవే! - Best Sports Bikes In 2024
