ETV Bharat / videos

Students Rally For Sunita Williams in Kurnool : అంతరిక్షంలో చిక్కుకున్న వ్యోమగాములు సునీత విలియమ్స్ , బుచ్‌ విల్‌ మోర్ క్షేమంగా భూమికి చేరుకోవాలని కర్నూలులోని మాన్టిసరీ సీనియర్ సెంకడరీ స్కూల్‌ విద్యార్థులు ర్యాలీ నిర్వహించారు. కలెక్టరేట్ ఎదుట ఫ్లకార్డులతో వ్యోమగామలను భూమిమీదకు తీసుకురావాలని నినాదాలు చేశారు. జూన్ 5న రోదసీలోకి వెళ్లిన వ్యోమగాములు 8 రోజుల్లోగా తిరిగి రావాల్సి ఉండగా సాంకేతిక కారణాలతో మరికొన్ని నెలలు అంతరిక్షంలో ఉండాల్సి వస్తుందన్న ప్రకటనలపై ఆందోళన వ్యక్తం చేశారు. విద్యార్థులు 'కమ్​ బ్యాక్​ సునీతా విలియమ్స్​' అంటూ  నినాదాలు చేశారు. 

ఇది ఇలా ఉండగా వీరి యాత్ర పై నాసా కీలక నిర్ణయం తీసుకోనుంది. 8 రోజుల అంతరిక్ష యాత్ర కాస్త సాంకేతిక సమస్యల వల్ల 8 నెలల యాత్ర అయ్యేలా కనిపిస్తోంది. అంతర్జాతీయ అంతరిక్ష కేంద్రంలో ప్రస్తుతం ఏడుగురు వ్యోమగాములు ఉండగా అక్కడ ఆరు స్లీప్ క్యాబిన్లే ఉంటాయని రోదసీ నిపుణులు చెబుతున్నారు. ఇటీవలే స్పేస్‌ఎక్స్ రాకెట్ అంతరిక్ష కేంద్రంలో ఉన్న వారికి మరింత ఆహారాన్ని, దుస్తులను మోసుకెళ్లింది.