గంగోత్రి నుంచి రామేశ్వరం వరకు సాష్టాంగ నమస్కార యాత్ర-సోషల్ మీడియాలో వీడియో వైరల్ - Sashtanga Namaskaram Yatra - SASHTANGA NAMASKARAM YATRA
By ETV Bharat Andhra Pradesh Team
Published : Apr 25, 2024, 8:27 PM IST
Ramagiri Sashtanga Namaskaram Yatra for Nation : దేశం సుభిక్షంగా ఉండాలని ఎంతోమంది పాదయాత్రలు, సైకిల్ యాత్రలు వివిధ రకాల రూపంలో యాత్రలు చేసిన వారిని చూసి ఉంటాం. కానీ ఇప్పటి వరకు ఎవరూ చేయని విధంగా ఓ వ్యక్తి దేశం సుభిక్షంగా ఉండాలని సాష్టాంగ నమస్కారం యాత్ర చేపట్టారు.ఉత్తరాఖండ్ రాష్ట్రం గంగోత్రికి చెందిన రామగిరి అనే వ్యక్తి దేశంలోని ప్రజలందరూ సుఖశాంతులతో జీవించాలని దేవున్ని కోరుకుంటూ 13 నెలల కిందట సాష్టాంగ నమస్కారం యాత్రను ప్రారంభించారు. గంగోత్రి నుంచి రామేశ్వరం వరకు సాగే ఈ యాత్ర ఇవాళ వైఎస్సార్ జిల్లాలోని కడప నగరంకు చేరుకుంది.
వేసవికాలం కావడంతో ఎండ తీవ్రత ఎక్కువగా ఉన్నా రామగిరి లెక్క చేయకుండా ముందుకు సాగుతున్నారు. అతడు చేస్తున్న ఈ సాష్టాంగ యాత్రను చూసి స్థానికులు అందరూ ఆశ్చర్యం వ్యక్తం చేస్తున్నారు. ఇప్పుడు ఈ సాష్టాంగ నమస్కార యాత్ర సామాజిక మాధ్యమాల్లో వైరల్గా మారింది. మరో అయిదు, ఆరు నెలల్లో రామేశ్వరానికి చేరుకుంటానని రామగిరి ఆనందాన్ని వ్యక్తం చేశారు.