Ola Launches Gen 3 Electric Scooters: ఇండియన్ ఎలక్ట్రిక్ టూ-వీలర్ మార్కెట్లో తనదైన ముద్ర వేసిన ఓలా ఎలక్ట్రిక్ శుక్రవారం తన కొత్త 'జెన్ 3 ఎలక్ట్రిక్' శ్రేణిని విడుదల చేసింది. ప్రీవియస్ జనరేషన్ మోడల్స్తో పోలిస్తే మెరుగైన డిజైన్, ఫీచర్లతో వీటిని తీసుకొచ్చింది. అంతేకాక వీటి ధరలను కూడా ప్రీవియస్ వెర్షన్ కంటే తక్కువతోనే పరిచయం చేసింది.
నాలుగు వేరియంట్స్లో తీసుకొచ్చిన వీటిలో కంపెనీ అదిరే బ్యాటరీ ఆప్షన్లను కూడా ప్రవేశపెట్టింది. 2kWh బ్యాటరీతో దీని ఎంట్రీ లెవెల్ 'S1 X' ధర మార్కెట్లో రూ.79,999 నుంచి ప్రారంభమవుతుంది. ఇక 5.3kWh బ్యాటరీతో దీని అగ్రశ్రేణి 'S1 Pro+' ధర రూ.1,69,999 వరకు ఉంటుంది. ఈ లైనప్లోని వేరియంట్లు ఓలా లేటెస్ట్ EV ఆపరేటింగ్ సిస్టమ్ MoveOS 5పై నడుస్తాయి.
వేరియంట్స్:
- S1 Pro
- S1 Pro+
- S1 X
- S1 X+
వీటి రిలీజ్పై మాట్లాడిన ఓలా ఎలక్ట్రిక్ CEO భవిష్ అగర్వాల్ కంపెనీ తన పోటీదారుల కంటే ముందుందని అన్నారు. "మా పోటీదారులు మా Gen1 స్థాయిలో కూడా లేరు. కానీ మేము మాత్రం ఇప్పుడు Gen3 స్థాయిలో ఉన్నాము" అని ఆయన పేర్కొన్నారు.
ఈ Gen 3 స్కూటర్లు మిడ్-డ్రైవ్ మోటార్, ఇంటిగ్రేటెడ్ మోటార్ కంట్రోల్ యూనిట్ (MCU)లను కలిగి ఉంటాయి. ఇవి ప్రీవియస్ మోడల్స్లో ఉపయోగించిన హబ్ మోటార్లను రీప్లేస్ చేస్తూ వస్తాయి. పాత వాటి కంటే వీటిని ఐదు రెట్లు ఎక్కువ ఎఫిషియంట్, రిలియబుల్, లైట్వెయిట్తో డిజైన్ చేసినట్లు CEO భవిష్ అగర్వాల్ చెబుతున్నారు. అంతేకాక ఈ స్కూటర్లు ప్రీ-లూబ్రికేటెడ్ O-రింగ్‌లను కలిగి ఉన్న చైన్ డ్రైవ్‌తో కూడా వస్తాయి. ఇవి ప్రీవియస్ మోడళ్లలో ఉపయోగించిన బెల్ట్ డ్రైవ్ సిస్టమ్ కంటే రెండు రెట్లు ఎక్కువ కాలం ఉంటాయని తెలుస్తోంది.
'బ్రేక్ బై వైర్' టెక్నాలజీ ఈ జెన్ 3 లైనప్కి అందించింది. ఈ సిస్టమ్ బ్రేక్ ప్యాడ్ వేర్, మోటార్ రెసిస్టెన్స్ను బ్యాలెన్స్ చేసేందుకు బ్రేక్ లివర్‌పై సెన్సార్‌లను ఉపయోగిస్తుంది. తద్వారా దీని రేంజ్ను 15% పెంచుతుంది. ఇది బ్రేక్ ప్యాడ్ లైఫ్స్పాన్ను రెట్టింపు చేస్తుంది. బ్రేకింగ్ సమయంలో ఈ మోటార్ ఎలక్ట్రిసిటీని రీజనరేట్ చేసి ఎఫిషియన్సీని మరింత మెరుగుపరుస్తుంది. ఈ అద్భుతమైన టెక్నాలజీకి అగర్వాల్ పేటెంట్ కలిగి ఉన్నట్లు సమాచారం.
ఇప్పుడు తీసుకొచ్చిన ప్రతి Gen 3 స్కూటర్ మెరుగైన భద్రత కోసం యాంటీ-లాక్ బ్రేకింగ్ సిస్టమ్ (ABS)తో వస్తుంది. అంతేకాక ఈ మోడళ్లలో తయారీ ఖర్చులలో 31% తగ్గింపు, ఎనర్జీ ఎఫిషియన్సీలో 10% పెరుగుదలతో పాటు ప్రీవియస్ జనరేషన్లతో పోలిస్తే వీటి పీక్ పవర్ 53% ఎక్కువగా ఉంటుంది.
బ్యాటరీ ఆప్షన్స్: ఈ Gen 3 శ్రేణి వివిధ బ్యాటరీ ఆప్షన్లను అందిస్తుంది.
దీని 'S1 Pro' మోడల్ 3kWh, 4kWh బ్యాటరీలను కలిగి ఉంది. అదే సమయంలో 'S1 Pro+' వేరియంట్ 4kWh లేదా 5.3kWh బ్యాటరీ ప్యాక్‌లను అందిస్తుంది. ఇందులో ఓలా ఇన్-హౌస్ భారత్ సెల్ ఉంటుంది.
మరోవైపు ఎంట్రీ-లెవల్ 'S1 X' మోడల్ 2kWh, 3kWh, 4kWh బ్యాటరీ ఆప్షన్లతో లభిస్తుంది. అయితే 'S1 X+' ప్రత్యేకంగా 4kWh బ్యాటరీతో వస్తుంది. ఇక ఫ్లాగ్షిప్ 'S1 Pro+' మోడల్ 320 కి.మీ.ల రేంజ్, 141 కి.మీ/గం టాప్ స్పీడ్తో వస్తుంది.
తక్కువ ధరలకే!: Gen 2 మోడళ్లతో పోలిస్తే 'Gen 3' స్కూటర్లకు ఓలా కంపెనీ తక్కువ ధరలకే తీసుకొచ్చింది. ప్రస్తుతం మార్కెట్లో 'Gen 3' మోడళ్లతో పాటు ప్రీవియస్ 'Gen 2' స్కూటర్లు కూడా అందుబాటులో ఉంటాయి.
ఓలా Gen 3 ఎలక్ట్రిక్ స్కూటర్ ధరలు:
| మోడల్ | బ్యాటరీ కెపాసిటీ | ధర |
| Ola S1X | 2 kWh | రూ.79,999 |
| Ola S1X | 3 kWh | రూ.89,999 |
| Ola S1X | 4 kWh | రూ.99,999 |
| Ola S1X+ | 4 kWh | రూ.1,07,999 |
| Ola S1 Pro | 3 kWh | రూ.1,14,999 |
| Ola S1 Pro | 4 kWh | రూ.1,34,999 |
| Ola S1 Pro+ | 4 kWh | రూ.1,54,999 |
| Ola S1 Pro+ | 5.5 kWh | రూ.1,69,999 |
ఈ కొత్త స్కూటర్ల ధరలు మరో ఏడు రోజుల వరకు మాత్రమే ఇలా ఉంటాయి. ఆ తర్వాత వీటి ధరలు పెరగొచ్చు.
బుకింగ్ ఎప్పటి నుంచి?: కంపెనీ తీసుకొచ్చిన కొత్త 'Gen 3' స్కూటర్ల ఆర్డర్లు ఈరోజు నుంచి ప్రారంభం కానున్నాయి. అయితే వీటి డెలివరీలు ఫిబ్రవరి మధ్యలో జరగనున్నాయి. భారత్ సెల్స్‌తో కూడిన 'Ola S1 Pro+' ఏప్రిల్‌లో డెలివరీకి అందుబాటులో ఉంటుంది. ఇదిలా ఉండగా ఓలా కంపెనీ ఫిబ్రవరి 5, 2025న తన కొత్త రోడ్‌స్టర్ X మోటార్‌బైక్‌ను లాంఛ్ చేయనున్నట్లు ప్రకటించింది.
మరోవైపు ఓలా ఎలక్ట్రిక్ ఇటీవలే మన దేశంలో తన రిటైల్ అండ్ సర్వీస్ నెట్వర్క్ను గణనీయంగా విస్తరించింది. అంతకుముందు ఉన్న 800 స్టోర్‌ల సంఖ్యను నవంబర్ 2024లో ఏకంగా 4,000కి పెంచింది. వినియోగదారుల యాక్సెప్టెన్స్, EV తయారీ సంస్థలకు ప్రభుత్వం అందిస్తున్న సహకారమే ఈ వృద్ధికి కారణమని అగర్వాల్ అన్నారు.
సూపర్ అప్గ్రేడ్స్తో నథింగ్ ఫ్లాగ్షిప్ స్మార్ట్ఫోన్!- ఫ్లిప్కార్ట్లో టీజర్ రిలీజ్
డీప్సీక్తో మీ డేటా సేఫేనా?- దీన్ని వాడేముందు ఈ విషయాలు తెలుసుకోండి!
స్టన్నింగ్ లుక్లో హీరో స్పెషల్ బైక్- డిజైన్ చూస్తే వావ్ అనాల్సిందే!
