మల్లన్న సాగర్​కు నీటి పంపింగ్ నిలిపివేత - 11రోజుల్లో 4.2టీఎంసీలు వదిలిన అధికారులు - mallanna sagar reservoir - MALLANNA SAGAR RESERVOIR

Officials Stopped Water Pumping to Mallanna Sagar : సిద్దిపేట జిల్లా తొగుట మండలం కేంద్రంలోని తుక్కాపూర్ వద్ద నిర్మించిన మల్లన్న సాగర్​ రిజర్వాయర్​లోకి గోదావరి జలాల పంపింగ్​ నిలిపేసినట్లు డీఈఈ శ్రీనివాస్​ రావు తెలిపారు. ఈ సందర్భంగా మాట్లాడిన ఆయన  2024-2025 సంవత్సరానికి మొదటి విడతగా రాష్ట్ర ప్రభుత్వం ఆదేశాల మేరకు 11రోజుల పాటు పంపింగ్ ద్వారా మల్లన్న సాగర్​లోని నీళ్లు విడుదల చేసినట్లు తెలిపారు. 

మొదటి 5 రోజులు నాలుగు పంపుల ద్వారా 5200 క్యూసెక్కులతో 0.45టీఎంసీల నీరు, తరువాత ఆరు రోజుల పాటు మూడు పంపుల ద్వారా 3900 క్యూసెక్కుల నీటిని సాగర్​ రిజర్వాయర్​లోకి వదిలారని వివరించారు. 11రోజుల పాటు మల్లన్న సాగర్​ రిజర్వాయర్​లోకి 4.25 టీఎంసీల నీటిని పంపిణీ చేశారని పేర్కొన్నారు. మల్లన్న సాగర్​ నుంచి కొండపోచమ్మ సాగర్​ రిజర్వాయర్​లోకి 2.70టీఎంసీల నీటిని తరలించడం జరిగిందని వెల్లడించారు. నీటిని పంపిణీ చేసిన అనంతరం ప్రస్తుతం రిజర్వాయర్​లో 10.10 టీఎంసీల నీటి నిల్వ ఉందని తెలిపారు.