మిషన్ భగీరథ పైప్​లైన్ లీక్ - జనావాసాల వద్దకు భారీగా చేరిన నీరు - Mission Bhagiratha Pipeline Leak

Mission Bhagiratha Pipeline Leak In YELLANDU : భద్రాద్రి కొత్తగూడెం జిల్లా ఇల్లందు పట్టణంలోని కోర్టు ఏరియాలో మిషన్ భగీరథ పైప్​లైన్ లీకైంది. దీంతో స్థానిక నివాసాల ప్రాంతాన్ని భారీనీటి ప్రవాహం ముంచెత్తింది. నివాసాలకు సమీపంలోకి నీరు చేరడంతో స్థానికులు ఆందోళన చెందుతున్నారు. వేసవిలో నీటి ఎద్దడి ఎదుర్కొంటున్న వేళ జలం వృథాగా పోతుందని స్థానికులు వాపోతున్నారు. కాగా నీటి ఉద్ధృతి ధాటికి ఓ ఇంటి ప్రహారీ గోడ కూలిపోయింది. 

మిషన్ భగీరథ పైప్​లైన్ లీకేజీ అయిన ప్రాంతంలో రహదారి సైతం దెబ్బతింది. భద్రాద్రి కొత్తగూడెం జిల్లా నుంచి మహబూబాబాద్ జిల్లా గార్ల బయ్యారం వెళ్లే ప్రధాన పైప్​లైన్ ఇది. లీకేజీ కారణంగా నీటి ప్రవాహం ఉద్ధృతంగా ప్రధాన రహదారి నుంచి వృథాగా పోతోంది. కాగా మిషన్ భగీరథ పైప్​లైన్​ లీకేజీ సమాచారం అందుకున్న అధికారులు యుద్ధ ప్రాతిపదికన లీకేజీని సరి చేస్తామని తెలిపారు. గతంలో కూడా ఓసారి ఇల్లందులో మిషన్​ భగీరథ పైప్​లైన్ లీక్​ అయింది.