LIVE : పెద్దపల్లిలో బీజేపీ బహిరంగ సభకు హాజరైన జేపీ నడ్డా - JP Nadda campaign in telangana 2024

JP Nadda Live : లోక్‌సభ ఎన్నికల్లో తెలంగాణ నుంచి డబుల్ డిజిట్ స్థానాలు గెలవడమే లక్ష్యంగా పెట్టుకున్న కమలం పార్టీ  రాష్ట్రంలో ప్రచారాన్ని హోరెత్తిస్తోంది. ఎన్నికల నోటిఫికేషన్ వెలువడిన తర్వాత రాష్ట్రంలో ప్రధాని మోదీ, అమిత్‌ షా, జేపీ నడ్డా సహా పలువురు కేంద్రమంత్రులు, బీజేపీ పాలిత రాష్ట్రాల ముఖ్యమంత్రులు, జాతీయ నాయకులు పర్యటించారు. పార్టీ అభ్యర్థుల తరుపున సభలు, సమావేశాల్లో పాల్గొన్నారు. ఇవాళ మరోసారి బీజేపీ జాతీయాధ్యక్షుడు జేపీ నడ్డాతో పాటు. రాజస్థాన్ సీఎం భజన్‌లాల్ శర్మ, ఉత్తరాఖండ్ ముఖ్యమంత్రి పుష్కర్ సింగ్‌ధామి, తమిళనాడు పార్టీ రాష్ట్ర అధ్యక్షుడు అన్నామలై రాష్ట్రంలో పర్యటించారు. తొలుత పెద్దపల్లి అభ్యర్థి గోమాస శ్రీనివాస్‌కు మద్దతుగా నిర్వహించే సభకు జేపీ నడ్డా హాజరయ్యారు. ఈ సభ అనంతరం మధ్యాహ్నం భువనగిరి పార్లమెంట్ పరిధిలోని చౌటుప్పల్‌లో జరిగే బహిరంగ సభలో నడ్డా పాల్గొననున్నారు. మధ్యాహ్నం 3 గంటలకు నల్గొండ నిర్వహించే సభలో నడ్డా పాల్గొననున్నారని పార్టీ నేతలు వెల్లడించారు. ఇప్పటికే జేపీ నడ్డా సభకు స్థానిక నేతలు భారీ ఏర్పాట్లు చేశారు. జాతీయ నేత సభ కావడంతో భారీగా జనసమీకరణ చేశారు.