ఆస్ట్రేలియాకు పయనమైన హిట్​మ్యాన్ - 'ఆల్​ ద బెస్ట్' చెప్పి ఫ్లైటెక్కించిన సతీమణి!

ఆస్ట్రేలియాకు పయనమైన రోహిత్ శర్మ - సెండాఫ్​ ఇచ్చేందుకు ఎయిర్​పోర్ట్ వచ్చిన సతీమణి

Rohit Sharma Border Gavaskar Trophy : పెర్త్‌ వేదికగా ప్రస్తుతం భారత్ వర్సెస్ ఆస్ట్రేలియా బోర్డర్-గవాస్కర్ ట్రోఫీ ఎంతో రసవత్తరంగా సాగుతోంది. ఆతిథ్య దేశానికి చుక్కలు చూపిస్తూ మన ప్లేయర్లు మంచి జోష్​ మీద ఉన్నారు. అయితే ఈ టీమ్​కు మరింత బలాన్ని చేకూర్చేందుకు స్టార్​ క్రికెటర్ రోహిత్​ శర్మ ఆస్ట్రేలియాకు పయనమయ్యాడు.

తొలి టెస్టుకు దూరమైన రోహిత్, శనివారం రాత్రి(నవంబర్ 23) ముంబయి విమానాశ్రయంలో కనిపించాడు. తన సతీమణి రితికా సజ్డే అతడికి సెండాఫ్ ఇచ్చేందుకు వచ్చారు. ఈ ఇద్దరూ కాసేపు ముచ్చటించి ఆ తర్వాత రోహిత్ ఆసీస్​కు పయనమయ్యాడు. ఇక రితికా అతడికి హగ్​ ఇచ్చి అతడ్ని ఫ్లైటెక్కించింది. ప్రస్తుతం దీనికి సంబంధించిన ఫొటోలు, వీడియోలు నెట్టింట తెగ ట్రెండ్ అవుతున్నాయి.

🚨 ROHIT SHARMA COMING. 🚨

- Captain Rohit has arrived at the Mumbai airport to leave for Australia for the Border Gavaskar Trophy. 🙇‍♂️🇮🇳 pic.twitter.com/fUSctsdrzk

— Mufaddal Vohra (@mufaddal_vohra) November 23, 2024

రీసెంట్​గా రితికా - రోహిత్ రెండో సారి తల్లిదండ్రులైన సంగతి తెలిసిందే. ఆ ఆనంద క్షణాలను ఆస్వాదించేందుకు అలాగే తన సతీమణికి తోడుగా ఉండేందుకు రోహిత్ తొలి టెస్ట్​కు దూరమయ్యాడు. అయితే ఇప్పుడు రెండో టెస్టు నుంచి మళ్లీ జట్టులోకి వచ్చేందుకు సిద్ధమయ్యాడు.

CAPTAIN ROHIT SHARMA IS COMING TO AUSTRALIA...!!! 🇮🇳 pic.twitter.com/Jjf33liFk4

— Mufaddal Vohra (@mufaddal_vohra) November 23, 2024

ఇక టెస్టుల్లో రోహిత్‌ శర్మ కెరీర్‌ పుంజుకోవడానికి చాలా సమయమే పట్టింది. చాలా ఏళ్ల పాటు సుస్థిర స్థానం సంపాదించుకోలేకపోయాడు. కానీ టెస్టుల్లోనూ ఓపెనర్​గా వచ్చిన తర్వాత అతడి స్టైల్ మారింది. ప్రధాన ఆటగాళ్లలో ఒకడిగా ఎదిగాడు. విరాట్ నుంచి కెప్టెన్సీ అందుకున్నాక జట్టులో మరింత కీలకంగా మారాడు.

బోర్డర్ గావస్కర్​ షెడ్యూల్ ఇదే - నవంబర్ 22 నుంచి భారత్‌, ఆస్ట్రేలియా మధ్య బోర్డర్‌- గావస్కర్‌ ట్రోఫీ 2024 - 25 సిరీస్‌ ప్రారంభమైంది. తొలి టెస్టు నవంబర్‌ 22 - 26 (పెర్త్‌లో); రెండో టెస్టు డిసెంబరు 6 - 10 (అడిలైడ్‌లో డే & నైట్‌); మూడో టెస్టు డిసెంబరు 14 -18 (బ్రిస్బేన్‌లో); నాలుగో టెస్టు డిసెంబరు 26 - 30 (మెల్‌బోర్న్‌లో); ఐదో టెస్టు జనవరి 3 - 7 (సిడ్నీలో) వరకు జరగనున్నాయి. గతేడాది వరకు నాలుగు మ్యాచ్‌ల సిరీస్‌గా కొనసాగిన ఈ ట్రోఫీ, ఈ సారి ఐదు మ్యాచ్‌ల టెస్టు సిరీస్‌గా నిర్వహించనున్నారు.