నడుస్తున్న కారులో చెలరేగిన మంటలు - అప్రమత్తతతో ప్రాణాలతో బయటపడిన డ్రైవర్ - fire accident in rajendranagar - FIRE ACCIDENT IN RAJENDRANAGAR

Car Burnt in Rajendranagar : రంగారెడ్డి జిల్లా రాజేంద్రనగర్‌లో నడుస్తున్న కారులో ప్రమాదవశాత్తు మంటలు చెలరేగాయి. కారు ముందు భాగం నుంచి మంటలు రావడం గమనించిన డ్రైవర్, వెంటనే కిందకు దిగి ప్రాణాలు దక్కించుకున్నాడు. క్షణాల్లో మంటలు పెద్ద ఎత్తున్న వ్యాపించి, చూస్తుండగానే కారు పూర్తిగా అగ్నికి ఆహుతైంది. స్తానికులు వెంటనే ఫైర్‌ సిబ్బందికి సమాచారమిచ్చారు. హుటాహుటిన ఘటనా స్థలానికి చేరుకున్న అగ్నిమాపక సిబ్బంది మంటలను అర్పివేశారు. మండుతున్న ఎండల కారణంగానే షార్ట్​ సర్క్యూట్ అయి ప్రమాదం జరిగి ఉంటుందని అగ్నిమాపక శాఖ అధికారులు భావిస్తున్నారు. సదరు కారు డ్రైవర్ ప్రమాదాన్ని ముందే పసిగట్టి, కారు నుంచి బయటకు రావడంతో ప్రాణాపాయం తప్పింది.

వేసవి కాలంలో అగ్ని ప్రమాదాల పట్ల అప్రమత్తంగా ఉండాలని అగ్నిమాపక అధికారులు సూచిస్తున్నారు. వాహనాలను సమయం ప్రకారం ఎప్పటికప్పుడు సర్వీసింగ్‌ చేయించాలని పేర్కొన్నారు. దూరపు ప్రయాణాలు చేసే ముందు వాహన స్థితిని చెక్‌ చేసుకోవాలని, వీలైనంత వరకు వాహనాలను నీడలో పార్కింగ్ చేయాలని సూచిస్తున్నారు.