ప్రధాని నరేంద్ర మోదీ - ఎంపీ బీబీ పాటిల్​ హ్యాట్రిక్ కొట్టడం ఖాయం : ఈటల రాజేందర్​ - Etela Rajender on KCR

Etela Rajender in BJP Meeting : తెలంగాణ కోసం కేసీఆర్ కృషి చేశారని ప్రజలు బీఆర్​ఎస్​ను రెండుసార్లు గెలిపిస్తే, ఆయన​కు అహంకారం పెరిగి పార్టీ నేతలు, కార్యకర్తలనే అవమానించారని మల్కాజిగిరి బీజేపీ అభ్యర్థి ఈటల రాజేందర్​ మండిపడ్డారు. దేశ అభివృద్ధి కోసం బీజేపీకి ఓటేయాలని, కాంగ్రెస్​, బీఆర్​ఎస్​కు ఓటేస్తే మురికి కాలువలో వేసినట్లేనని విమర్శించారు. ముచ్చటగా మూడోసారి నరేంద్రమోదీ ప్రధానమంత్రి కావడం ఖాయమని ఆయన ధీమా వ్యక్తం చేశారు. 

ఇవాళ కామారెడ్డి జిల్లాలో ఎల్లారెడ్డి పట్టణ కేంద్రంలోని బీజేపీ మోర్చా కార్యకర్తల సమావేశంలో జహీరాబాద్ ఎంపీ అభ్యర్థి బీబీ పాటిల్​తో కలిసి ఈటల పాల్గొన్నారు. అన్నిరంగాల్లో దేశాన్ని ముందుకు తీసుకెళ్తున్న నరేంద్ర మోదీకి 400 సీట్లు రావడం ఖాయమని, ఆయన మళ్లీ ప్రధాని అవుతారని ఈటల రాజేందర్​ ఆశాభావం వ్యక్తం చేశారు. మూడోసారి బీబీ పాటిల్​ ఎంపీగా హ్యాట్రిక్​ కొడతారని పేర్కొన్నారు. మల్కాజిగిరి పార్లమెంట్​ స్థానాన్ని గెలిపించి, ప్రధాని మోదీకి బహుమతిగా ఇవ్వాలని ఆయన కోరారు. అంతకుముందు ఆయన బీజేపీ నాయకులు, కార్యకర్తలతో కలిసి బైక్​ ర్యాలీలో పాల్గొన్నారు.