ఇంట్లో పేలిన గ్యాస్ సిలిండర్ - బాలుడికి తీవ్ర గాయాలు - Cylinder Blast In Secunderabad - CYLINDER BLAST IN SECUNDERABAD

Cylinder Blast In Secunderabad : గ్యాస్ సిలిండర్ లీకై పేలుడు సంభవించడంతో ఓ బాలుడికి తీవ్రగాయాలైన ఘటన సికింద్రాబాద్​లోని జవహర్​నగర్ పోలీస్​స్టేషన్ పరిధిలో జరిగింది. ఈ ఘటనలో పేలుడు ధాటికి ఇంటి పైకప్పు ఎగిరిపోయి పూర్తిగా ధ్వంసం అయింది. దీంతో స్థానికులు ఒక్క సారిగా భయబ్రాంతులకు గురయ్యారు. అప్రమత్తమైన స్థానికులు బాలుడిని ఆసుపత్రికి తరలించారు. 

బీజేఆర్ నగర్ జ్యోతిరావు పూలే కాలనీలో ఓ ఇంట్లో గ్యాస్ సిలిండర్ లీకయ్యింది. దీంతో ఒక్కసారిగా పెద్ద శబ్ధంతో ప్రమాదం సంభవించింది. స్థానికులు అప్రమత్తమై మంటలను అదుపుచేయడంతో పెను ప్రమాదం తప్పింది. పేలుడు ధాటికి ఇంటి పైకప్పు తీవ్రంగా దెబ్బతింది. ఈ ఘటనతో స్థానికులు ఒక్కసారిగా భయాందోళనలకు గురయ్యారు. ఈ ప్రమాదంలో బాన్సీ అనే బాలుడికి తీవ్రగాయాలయ్యాయి. స్థానికుల సహాయంతో బాలుడిని మెరుగైన వైద్యచికిత్స నిమిత్తం హుటాహుటిన గాంధీ ఆసుపత్రికి తరలించారు. వేసవిలో అగ్నిప్రమాదాలు జరగుకుండా ఉండేందుకు తగు జాగ్రత్తలు తీసుకోవాలని అగ్నిమాపక శాఖ అధికారులు సూచనలు చేస్తున్నారు.