LIVE : మణుగూరులో కాంగ్రెస్ పార్టీ బహిరంగ సభ - CM Revanth Manuguru Live Today

CM Revanth Manuguru Live Today : మరికొద్ది రోజుల్లో లోక్​సభ ఎన్నికలు రానున్న నేపథ్యంలో శాసనసభ ఎన్నికల్లో ఇచ్చిన అభయహస్తం గ్యారంటీల అమలుపై రాష్ట్ర ప్రభుత్వం దృష్టి సారించింది. ఇందులో భాగంగా ఇప్పటికే నాలుగు గ్యారంటీలను అమల్లోకి తీసుకువచ్చింది. ఇవాళ ఇందిరమ్మ ఇళ్లు పథకాన్ని భద్రాచలంలో ముఖ్యమంత్రి రేవంత్ రెడ్డి ప్రారంభించారు. ఈరోజు యాదాద్రి, భద్రాద్రిలో పర్యటిస్తూ బిజీబిజీగా సీఎం గడుపుతున్నారు. మొదట యాదాద్రి లక్ష్మీనరసింహ స్వామి ఆలయాన్ని సందర్శించారు. స్వామి వారి వార్షిక బ్రహ్మోత్సవాలు ప్రారంభమైన దృష్ట్యా పట్టువస్త్రాలు, ముత్యాల తలంబ్రాలు సమర్పించారు. అనంతరం అక్కడి నుంచి భద్రాచలం రామయ్య సన్నిధికి చేరుకుని మంత్రులతో కలిసి రాములోరిని దర్శించుకున్నారు. ఆ తర్వాత భద్రాచలంలోనే ఇందిరమ్మ ఇళ్ల పథకాన్ని ప్రారంభించారు. ఈ సభ నుంచి నేరుగా సీఎం రేవంత్ రెడ్డి, మంత్రులు మణుగూరుకు వెళ్లారు. అక్కడ ఏర్పాటు చేసిన కాంగ్రెస్ ప్రజా దీవెన సభలో పాల్గొన్నారు. ఈ సభా వేదిక నుంచి ఉమ్మడి ఖమ్మం జిల్లాలో లోక్ సభ ఎన్నికల శంఖరావం పూరించారు.