ETV Bharat / videos

Bhupalpally Photographer Photo on New York Time Square : జయశంకర్ భూపాలపల్లి జిల్లాకు చెందిన ఫొటోగ్రాఫర్ డాక్టర్ అరుణ్ కుమార్ నలిమెల అరుదైన ఘనత సాధించారు. ఆయన తీసిన ఫొటో అమెరికాలోని న్యూయార్క్ టైమ్స్ స్క్వేర్ బిల్ బోర్డ్​పై మెరిసింది. ఎన్​ఎఫ్​టీ ఎన్​వైసీ అనే సంస్థ ఇటీవల ఆన్​లైన్​లో నిర్వహించిన ఫొటోగ్రఫీ పోటీల్లో 5 వేల ఫొటోలు పోటీ పడగా, ఆయన తీసిన చిత్రం టైం స్క్వేర్ బిల్ బోర్డ్​పై మంగళవారం రాత్రి నుంచి ప్రదర్శితమవుతున్నట్లు అరుణ్ కుమార్ తెలిపారు. తన కల నెరవేరినందుకు సంతోషంగా ఉందని ఆయన పేర్కొన్నారు.  

Telangana Photographer photo in New york : నాలుగు రోజుల పాటు ఈ ప్రదర్శన ఉంటుందని అరుణ్ కుమార్ తెలిపారు. గత డిసెంబర్​లో ప్రధాని మోదీ ఆయన తీసిన ఫొటోల గురించి మన్​కీ బాత్​లో ప్రస్తావించారని చెప్పారు. తన తల్లిదండ్రులు, సోదరుడి ప్రోత్సాహంతో ఫొటోగ్రఫీపై ఆసక్తి పెంచుకున్నట్లు తెలిపారు. భారత సాంస్కృతిక మంత్రిత్వ శాఖ సహకారంతో లలిత కళా అకాడమీ నిర్వహించిన మేళా మూమెంట్ ఫొటోగ్రఫీ పోటీల్లోనూ ఇటీవల ఆయన బహుమతి అందుకున్నారు.