Live ఏపీసీసీ చీఫ్ వైఎస్ షర్మిల కమలాపురంలో ఎన్నికల ప్రచారం- ప్రత్యక్ష ప్రసారం - YS Sharmila Public Meeting

APCC Chief YS Sharmila Public Meeting Live From Kamalapuram : ఏపీసీసీ చీఫ్ వైఎస్ షర్మిల కమలాపురం నియోజకవర్గ పరిధిలో విస్తృత ప్రచారంలో పాల్గొన్నారు. తెలుగుదేశం అధినేత నారా చంద్రబాబుతో షర్మిల చేతులు కలిపిందంటూ సీఎం జగన్ చేస్తున్న ఆరోపణలపై, ఏపీ పీసీసీ అధ్యక్షురాలు వైఎస్‌ షర్మిల స్పందించారు. జగన్ మానసిక పరిస్థితి ఆందోళన కలిగిస్తుందన్నారు. రాష్ట్రంలో ఏం జరిగినా చంద్రబాబు కారణమంటున్నారని మండిపడ్డారు. జగన్‌కు చంద్రబాబు పిచ్చి పట్టుకుందని ఎద్దేవా చేశారు. జగన్‌ ఏ స్థాయి దిగజారుడు రాజకీయాలు చేస్తున్నారో ప్రజలు ఆలోచించాలని కోరారు. వైఎస్సార్ బిడ్డ చంద్రబాబుతో చేతులు కలిపిందని ఆరోపిస్తున్నారని ఆవేదన వ్యక్తం చేశారు. తాను చంద్రబాబుతో చేతులు కలిపినట్లు నిరూపించాలని షర్మిల డిమాండ్ చేశారు.తాను ప్రత్యేక హోదా కోసం ఏపీలో అడుగుపెట్టానని షర్మిల పేర్కొన్నారు. కాగా ప్రస్తుతం కడపజిల్లా కమలాపురం నియోజకవర్గంలో ఏర్పాటు చేసిన బహిరంగ సభలో పాల్గొన్న వైఎస్ షర్మిల ప్రత్యక్ష ప్రసారం మీకోసం.