ప్రభుత్వం నిలదీస్తుందని జగన్​కు భయం - అందుకే తప్పించుకునే యత్నం: కిరాక్ ఆర్పీ - Actor Kiraak RP Fire on EX Cm Jagan - ACTOR KIRAAK RP FIRE ON EX CM JAGAN

Actor Kiraak RP Fire on EX CM Jagan : మాజీ సీఎం వైఎస్ జగన్ మోహన్ రెడ్డి అసెంబ్లీకి రావాలని ప్రముఖ నటుడు, తెలుగుదేశం పార్టీ అభిమాని కిరాక్ ఆర్పీ డిమాండ్ చేశారు. ఎన్డీఏ కూటమి ప్రభుత్వం నిలదీస్తుందనే భయంతోనే జగన్ అసెంబ్లీకి రాకుండా తప్పించుకు తిరుగుతున్నారని నిప్పులు చెరిగారు. జగన్​కు దమ్ముంటే అసెంబ్లీకి రావాలని అన్నారు.

విజయసాయిరెడ్డి డీఎన్ఏ పరీక్షలకు సిద్ధంగా ఉండాలి : రాజ్యసభ సభ్యుడు విజయసాయిరెడ్డి ఉదంతంతో పాటు వినుకొండ హత్య సహా జగన్ తీరుపై హైదరాబాద్​లోని తన కార్యాలయంలో తీవ్ర అసహనం వ్యక్తం చేసిన ఆర్పీ వైఎస్సార్సీపీ నుంచి 11 మంది ఎమ్మెల్యేలను గెలిపించిన ప్రజల కోసమైనా జగన్ అసెంబ్లీలోకి అడుగు పెట్టాలని డిమాండ్ చేశారు. అలాగే దేవాదాయ శాఖలో అధికారిగా  పని చేసిన శాంతి వ్యవహారంలో ఎంపీ విజయసాయిరెడ్డి డీఎన్ఏ పరీక్షలకు సిద్ధం కావాలని అన్నారు. విజయసాయిరెడ్డి మీడియాను అవమానిస్తూ మాట్లాడటం పట్ల నెల్లూరు వాసిగా క్షమాపణలు కోరారు. వైఎస్సార్సీపీ ప్రభుత్వంలో అన్యాయాలు, అఘాయిత్యాలు విపరీతంగా జరిగాయని, ఆడవాళ్లను అగౌరపరిచారని ఆరోపించారు.