WhatsApp New Typing Indicator Feature:వాట్సాప్ వినియోగదారులకు గుడ్న్యూస్. ప్రముఖ ఇన్స్టంట్ మెసెజింగ్ యాప్ వాట్సాప్ మరో సరికొత్త ఫీచర్ను తీసుకొచ్చింది. 'టైపింగ్ ఇండికేటర్' పేరుతో తీసుకొచ్చిన ఈ ఫీచర్ వినియోగదారులకు రియల్ టైమ్ చాట్ను మరింత ఈజీ చేస్తుంది. ముఖ్యంగా ఈ ఫీచర్ సహాయంతో ఇకపై గ్రూప్ చాట్లో కన్ఫ్యూజన్ ఉండదు. ఈ అప్డేట్ గురించి కంపెనీ గురువారం సమాచారం అందించింది.
ఏంటీ టైపింగ్ ఇండికేటర్?:మెటా యాజమాన్యంలోని వాట్సాప్ ఈ అప్డేట్ గురించి తెలియజేస్తూ ఒక ప్రకటనను విడుదల చేసింది. దీని ప్రకారం.. ఇకపై వాట్సాప్లో మెసెజ్ టైప్ చేస్తున్నప్పుడు టైపింగ్ ఇండికేటర్ ఫీచర్ '...' విజువల్ ఇండికేషన్‌తో కన్పిస్తుంది. అది టైప్ చేస్తున్న యూజర్ ప్రొఫైల్ ఇమేజ్‌తో పాటు చాట్ స్క్రీన్ కింద కన్పిస్తుంది.
ఈ ఫీచర్ ఉపయోగాలేంటి?:ఈ ఫీచర్ ద్వారా వినియోగదారులు యాక్టివ్‌గా చాట్ చేస్తున్న వ్యక్తి టైప్ చేస్తున్నప్పుడు ఈజీగా తెలుసుకోవచ్చు. అంటే ఇకపై ఇప్పుడు ఎవరైనా మెసెజ్ టైప్ చేస్తుంటే.. విజువల్ ఇండికేటర్తో పాటు టైపింగ్ ఇండికేటర్ కూడా చాట్ స్క్రీన్‌పై కన్పిస్తుంది. దీంతో వినియోగదారులు ఎవరు మెసెజ్ టైప్ చేస్తున్నారో సులభంగా తెలుసుకోవచ్చు. దీంతో అవతలివారు సైతం సులభంగా చాట్ చేయగలుగుతారు.
ఈ ఫీచర్ ద్వారా యూజర్ ప్రొఫైల్ ఇమేజ్ కూడా కన్పించడంతో ముఖ్యంగా గ్రూప్ చాట్ చేస్తున్న వినియోగదారులకు మరింత ఉపయోగకరంగా ఉంటుంది. దీంతో గ్రూప్చాట్లో ఒకేసారి ఎంతమంది చాట్ చేస్తున్నా ఇకపై కన్ఫ్యూజన్ ఉండదు. ఇంతకు ముందు యాక్టివ్ చాట్ సమయంలో టాప్ బ్యానర్‌లో ఎవరు టైప్ చేస్తున్నారో తెలియడానికి 'typing' అని మాత్రమే కన్పించేది.