ట్యాబ్‌ కొనాలా? ఏ సైజులో తీసుకోవాలో అర్థం కావడం లేదా? అయితే మీకోసమే ఈ ఆర్టికల్​! - Tablet size

Tabs Screen Preferences : ట్యాబ్ కొందామని చూస్తున్నారా? ఏది కొనాలనే ఆలోచనలో ఉన్నారా? అయితే ఇంకెందుకు ఆలస్యం ఈ కథనం చదివి మీ డౌట్స్‌ను క్లియర్ చేసుకోండి.

Tabs Screen Preferences : ట్యాబ్లెట్స్ కొనేవాళ్లు తప్పకుండా చూసే అంశం 'సైజు'. ఎలాంటి సైజులో ట్యాబ్‌ను కొనాలో అర్థంకాక చాలామంది సతమతం అవుతుంటారు. ఆ గందరగోళాన్ని పక్కనపెట్టి, అవసరాలు తీర్చే, సౌకర్యవంతంగా ఉండే ట్యాబ్లెట్‌ను ఎంచుకుంటే సరిపోతుంది. అయితే ఈక్రమంలో కొన్ని అంశాలను తప్పకుండా దృష్టిలో ఉంచుకోవాలి. అవేంటో ఈ కథనంలో తెలుసుకుందాం.

అవసరాన్ని తీర్చేలా డిజైన్, సైజు
ట్యాబ్లెట్స్‌ను ఒక్కొక్కరు ఒక్కో అవసరం కోసం కొంటుంటారు. కొందరు సినిమాలు చూడటానికి, మరికొందరు గేమ్స్ ఆడటానికి వాడుతారు. కొంతమంది జాబ్ వర్క్స్ చేయడానికి కూడా ట్యాబ్లెట్స్‌ను కొంటారు. అవసరాలు తీర్చగలిగే కన్ఫిగరేషన్లు, ఫీచర్లు కలిగిన ట్యాబ్‌ను ఎంచుకుంటే బెటర్. చాలావరకు ట్యాబ్‌ల మోడళ్లు 7 ఇంచుల నుంచి 13 ఇంచుల దాకా సైజుల్లో లభిస్తుంటాయి. ఒక్కో మోడల్‌ డిజైన్ ఒక్కో రకమైన అవసరాన్ని తీర్చేలా ఉంటుంది.

చిన్న సైజు ట్యాబ్‌ అయితే
ఒకచోటు నుంచి మరోచోటుకు తిరిగే వారికి కాస్త చిన్న సైజు ట్యాబ్ బెటర్. వీటి సైజు 7 నుంచి 8 ఇంచులు ఉంటుంది. చిన్న సైజు ట్యాబ్‌లు కాస్త తక్కువ రేటులోనే లభిస్తాయి. ఈ-బుక్స్, మేగజైన్స్, ఆర్టికల్స్ రీడింగ్ కోసం ఇవి అనువుగా ఉంటాయి. అయితే వాటి స్క్రీన్ అంత పెద్దగా ఉండదు. మూవీస్, డ్రాయింగ్, మల్టీ టాస్కింగ్‌కు ఇది అంతగా పనికి రాదు. టైపింగ్ కోసం దీని కీబోర్డులో తగిన స్పేస్ ఉండదు. ఒకేసారి రెండు, మూడుకు మించి యాప్స్‌ను వినియోగించే అవకాశం ఉండకపోవచ్చు.

మీడియం సైజు ట్యాబ్‌ ఉపయోగాలు
టాస్క్‌లు పూర్తి చేయడానికి, ఫైల్స్‌ను బ్రౌజ్ చేయడానికి సౌకర్యవంతంగా ఉండాలంటే మీడియం సైజు ట్యాబ్‌ను తీసుకోవాలి. వీటి సైజు 9 నుంచి 11 ఇంచులు ఉంటుంది. సినిమాలు చూడటానికి, క్రియేటివ్ వర్క్ చేయడానికి ఇవి కంఫర్ట్‌గా ఉంటాయి. చిన్న సైజు ట్యాబ్‌లతో పోలిస్తే వీటి ధర ఎక్కువే ఉంటుంది. మనం క్రియేటివ్ వర్క్‌ను ప్రో లెవల్‌లో చేయలేకపోవడం మైనస్ పాయింట్. ఎందుకంటే చాలా అడ్వాన్స్‌డ్ ఫీచర్లను ఇవి సపోర్ట్ చేయవు. బేసిక్ లెవల్ క్రియేటివ్ వర్క్స్‌ను దీని ద్వారా చేయగలం. కుటుంబ సభ్యులు కలిసి వాడుకోవడానికి ఈ తరహా ట్యాబ్స్ బెస్ట్.

పెద్ద సైజు ట్యాబ్‌ల ప్లస్‌లు, మైనస్‌లు
క్రియేటివ్ వర్క్స్ చేసేవారికి పెద్ద సైజు ట్యాబ్ బెస్ట్. అందులో మల్టీ టాస్కింగ్ ఫీచర్స్ ఉంటాయి. ప్రొఫెషనల్ అవసరాలను అది తీర్చగలుగుతుంది. వీటి సైజు 12 నుంచి 13 ఇంచులు ఉంటుంది. స్క్రీన్ పెద్దదిగా ఉండటం వల్ల మన కంటిపై పెద్దగా ఒత్తిడి పడదు. సినిమాలు, డ్రాయింగ్ వంటి యాక్టివిటీని ఎంజాయ్ చేయొచ్చు. దీనిలో ఒకేసారి చాలా యాప్స్‌ను మనం రన్ చేయొచ్చు. దీని వర్కింగ్ స్పీడు కూడా కొంత బెటర్‌గానే ఉంటుంది. క్రియేటివ్ వర్క్స్ చేసేవారు పెద్దసైజు ట్యాబ్‌ను ఎంచుకోవడం చాలా మంచిది. ఈ ట్యాబ్స్‌ను తీసుకెళ్లేందుకు మనకు ప్రత్యేకమైన బ్యాగ్ ఉండాలి. సైజు పెరగడం వల్ల రేటు కూడా అందుకు అనుగుణంగా పెరిగిపోతుంది. డిజైనర్లు, ఆర్టిస్టుల వంటివారు ఇది కొనొచ్చు.

ఏ సైజు ట్యాబ్లెట్‌ను ఎంచుకోవాలి ?
మీరు ఆ ట్యాబ్‌లో చేసే పని ఏమిటి ? అనే దాని ఆధారంగా ట్యాబ్ సైజును డిసైడ్ చేసుకోండి. ప్రొఫెషనల్స్, క్రియేటివ్ వర్క్స్ చేసే వాళ్లు, ఆర్టిస్టులు, మల్టీ టాస్కింగ్ వ్యవహారాలు చేసేవారికి పెద్దసైజు ట్యాబ్‌లు బెస్ట్. వ్యక్తిగత సాధారణ తరహా వినియోగం కోసమైతే చిన్న సైజు ట్యాబ్ చాలు. కుటుంబ అవసరాల కోసమైతే మీడియం సైజు ట్యాబ్ తీసుకోవచ్చు. మన బడ్జెట్ కెపాసిటీని బట్టి దేన్ని కొనాలనేది డిసైడ్ చేసుకోవాలి. కీబోర్డ్, మౌస్ సపోర్ట్ చేసే ట్యాబ్‌లు కావాలని కొందరు కోరుకుంటారు. కొనే ముందే ఆ ఆప్షన్లు ఉన్నాయో లేదో తెలుసుకోవాలి. ఈ అంశాలన్నీ పరిగణనలోకి తీసుకొని ఉత్తమమైన ట్యాబ్‌ను మనం ఎంచుకోవచ్చు.