యూత్​కి కిక్కేచ్చే అప్​డేట్- అదిరే పెర్ఫార్మెన్స్, స్టైలిష్ డిజైన్​తో రాయల్ ఎన్​ఫీల్డ్ కొత్త బైక్!

రాయల్​ ఎన్​ఫీల్డ్ స్క్రామ్ మోటార్​సైల 440 లాంఛ్- ధర ఎంతంటే?

Royal Enfield Scram 440 Launched: రాయల్ ఎన్​ఫీల్డ్ వాహన ప్రియులకు గుడ్​న్యూస్. మార్కెట్లోకి ఈ బ్రాండ్​ నుంచి అదిరే మోటార్​సైకిల్ ఎంట్రీ ఇచ్చింది. రెట్రో-మోడ్రన్ మోటార్‌సైకిల్ తయారీ సంస్థ రాయల్ ఎన్‌ఫీల్డ్ ఈ ఏడాదికి తన మొదటి ప్రొడక్ట్​ను లాంఛ్​ చేసింది. 'రాయల్ ఎన్‌ఫీల్డ్ స్క్రామ్ 440' పేరుతో కొత్త బైక్​ను మార్కెట్లోకి విడుదల చేసింది. మరెందుకు ఆలస్యం దీని ధర, ఫీచర్లపై ఓ లుక్కేద్దాం రండి.

రాయల్ ఎన్‌ఫీల్డ్ స్క్రామ్ 440 వేరియంట్స్: ఈ మోటార్‌సైకిల్ మొత్తం రెండు వేరియంట్లలో రిలీజ్ అయింది.

• ట్రైల్
• ఫోర్స్

ధరలు:

• ట్రైల్ వేరియంట్ ధర: రూ. 2.08 లక్షలు (ఎక్స్-షోరూమ్)
• ఫోర్స్ వేరియంట్ ధర: రూ. 2.15 లక్షలు (ఎక్స్-షోరూమ్)

రాయల్ ఎన్​ఫీల్డ్ స్క్రామ్ 440 పవర్​ట్రెయిన్: ఈ కొత్త మోటార్​ సైకిల్​లో ఎయిర్/ఆయిల్-కూల్డ్, 443cc, సింగిల్-సిలిండర్ ఇంజిన్‌ ఉంది. ఇది 25 bhp శక్తిని, 34Nm పీక్ టార్క్‌ను ఉత్పత్తి చేస్తుంది. ఈ పెద్ద ఇంజిన్​ను కంపెనీ ప్రస్తుత 411cc ఇంజిన్ నుంచి తీసుకున్నారు. ఇప్పుడు దీని బోర్ 3mm పెరిగింది.

ఈ రాయల్​ ఎన్​ఫీల్డ్ స్క్రామ్ 440 ఇంజిన్‌ను 6-స్పీడ్ గేర్‌బాక్స్‌తో జత చేశారు. అదే సమయంలో ప్రస్తుత 411cc ఇంజిన్‌ 5-స్పీడ్ యూనిట్​తో జత అయి ఉంటుంది. ఇక ఈ కొత్త బైక్ SOHC వాల్వ్‌ట్రెయిన్‌ను మెరుగుపరచడం ద్వారా NVH లెవెల్స్​ను తగ్గించడంలో పనిచేశామని కంపెనీ తెలిపింది.

రాయల్ ఎన్​ఫీల్డ్ స్క్రామ్ 440 హార్డ్‌వేర్: రాయల్ ఎన్‌ఫీల్డ్ స్క్రామ్ 440 ఛాసిస్‌ను కూడా బలోపేతం చేసింది. ఇప్పుడు ఈ మోటార్‌సైకిల్ వెనక భాగంలో టాప్ బాక్స్‌ను అమర్చవచ్చు. ఈ టాప్ బాక్స్ మొత్తం పేలోడ్ 10 కిలోలు. ఈ బైక్ రెండు వేరియంట్లలో స్విచబుల్ ABS, LED హెడ్‌లైట్‌లు స్టాండర్డ్​గా అందించారు. ఈ మోటార్ సైకిల్ 15-లీటర్ల ఫ్యూయెల్ ట్యాంక్​తో వస్తుంది. ఇది 197 కిలోల బరువు ఉంటుంది. ఇది స్క్రామ్ 411 కంటే 2 కిలోలు ఎక్కువ.

కలర్ ఆప్షన్స్: కంపెనీ ఈ మోటార్ సైకిల్​ రెండు వేరియంట్లను ఐదు కలర్ ఆప్షన్లలో తీసుకొచ్చింది. వీటిలో బేస్ ట్రైల్ వేరియంట్‌ను బ్లూ, గ్రీన్ కలర్ ఆప్షన్లను అందించగా టాప్ ఫోర్స్ వేరియంట్​కు బ్లూ, టీల్, గ్రే కలర్ ఆప్షన్లను అందించింది.

ధర: మార్కెట్లో దీని ధర 2.08 లక్షల నుంచి 2.15 లక్షల (ఎక్స్-షోరూమ్, చెన్నై) మధ్య ఉంటుంది. ఈ రేటు స్క్రామ్ 411 కంటే 2,000 - 3,000 రూపాయలు ఎక్కువ.