Rohit Sharma BCCI Awards : టీమ్ఇండియా కెప్టెన్ రోహిత్ శర్మకు కాస్త మతిపరుపు అని, ట్రావెలింగ్లో అప్పుడప్పుడు తన వస్తువులు కూడా మర్చిపోతుంటాడని టీమ్మేట్స్ పలు సందర్భాల్లో చెబుతుంటారు. అయితే దీనిపై రోహిత్ మరోసారి స్పందించాడు. అవన్నీ నిజం కాదని అన్నాడు. ముంబయిలో శనివారం జరిగిన బీసీసీఐ అవార్డుల కార్యక్రమానికి హాజరైన రోహిత్ ఈ ఆసక్తికర వ్యాఖ్యలు చేశాడు.
అయితే ఈ ఈవెంట్లో రోహిత్తోపాటు హార్దిక్ పాండ్య, మహిళా క్రికెటర్లు స్మృతి మంధాన, జెమిమా రోడ్రిగ్స్ చిన్న చిట్చాట్లో పాల్గొన్నారు. ఈ క్రమంలోనే హిట్మ్యాన్ను స్టార్ ప్లేయర్ స్మృతి మంధాన ఆసక్తికర ప్రశ్న అడిగింది. 'నీకు ఉన్న ఏ అలవాటును సహచర ఆటగాళ్లు ఎగతాళి చేస్తారు?' అని అడిగింది. దీనికి రోహిత్ ఇచ్చిన జవాబు ఈవెంట్లో నవ్వులు పూయించింది.
'నేను వస్తువులు మర్చిపోతుంటానని నా టీమ్మేట్స్ నన్ను టీజ్ చేస్తారు. అయితే మర్చిపోవడం అనేది నా అలవాటు కాదు. నేను వాలెట్, పాస్పోర్ట్ మర్చిపోతానని వాళ్లు చెప్పిందంతా నిజం కాదు. అదంతా రెండు దశాబ్దల కిందటి మాట. ఇప్పుడు కాదు' అని కూల్గా ఆన్సర్ ఇచ్చాడు. ఈ వీడియోను బీసీసీఐ సోషల్ మీడియాలో షేర్ చేసింది. ప్రస్తుతం ఇది వైరల్గా మారింది.
తను చూస్తుంటుంది నేను చెప్పలేను!
కాగా, జీవితంలో మర్చిపోయిన అతిపెద్ద విషయం ఏది అని స్మృతి మరో ప్రశ్న అడిగింది. దీనికి రోహిత్ 'అది నేను చెప్పలేను. ఈ ఇంటర్య్యూ లైవ్ వెళ్తోంది. ఇది మా భార్య చూస్తుంటుంది. అందుకే నేను చెప్పలేను' అని ఫన్నీగా బదులిచ్చాడు. అయితే రోహిత్ తన వెడ్డింగ్ రింగ్ మార్చిపోయాడని నెటిజన్లు కామెంట్ చేస్తున్నారు.
He forgot is wedding ring💍😂😂😂😂ask Virat Kohli
— Cavino Fernandes (@AwsomeCavino) February 1, 2025
కాగా, అంతర్జాతీయ, డొమెస్టిక్ క్రికెట్లో అత్యుత్తమ ప్రదర్శన కనబర్చిన క్రికెటర్లను బీసీసీఐ నమన్ అవార్డులతో సత్కరించింది. ఈ అవార్డుల్లో దిగ్గజం సచిన్ తెందూల్కర్కు అరుదైన గౌరవం దక్కింది. బీసీసీఐ సచిన్ను 'జీవిత సాఫల్య పురస్కారం'తో గౌరవించింది. 2023- 24 సీజన్‌కు గాను ఉత్తమ అంతర్జాతీయ పురుష క్రికెటర్గా స్టార్ పేసర్‌ జస్ప్రీత్‌ బుమ్రా, మహిళా క్రికెటర్గా స్టార్ ప్లేయర్ స్మృతి మంధాన ఎంపికైంది.
'ఓన్లీ లవ్ అండ్ సాడ్ సాంగ్స్ వింటాను, వాళ్లకు అది నచ్చదు!'- స్మృతి మంధాన
'నువ్వు సూపర్ రోహిత్, ఇందుకే నువ్వంటే మాకిష్టం'- కెప్టెన్పై నెటిజన్ల ప్రశంసలు
