Lava Yuva 4 Launched:దేశీయ స్మార్ట్ఫోన్ కంపెనీ లావా తన కొత్త 'LAVA Yuva 4' మొబైల్ను ఇండియన్ మార్కెట్లో లాంఛ్ చేసింది. Unisoc T606 ప్రాసెసర్‌తో కంపెనీ ఈ స్మార్ట్‌ఫోన్‌ను తీసుకొచ్చింది. AnTuTuలో ఈ ఫోన్ 230,000 కంటే ఎక్కువ స్కోర్ను సాధించిందని లావా చెబుతోంది. AnTuTu అనేది ఆండ్రాయిడ్ డివైజస్ కోసం అత్యంత ప్రజాదరణ పొందిన బెంచ్‌మార్క్ యాప్‌లలో ఒకటి. ఇది స్మార్ట్ఫోన్స్, టాబ్లెట్స్ వంటి డివైజ్ల పనితీరును అంచనా వేసి స్కోర్ను కేటాయిస్తుంది.
ఇక 'లావా యువ 4' మొబైల్ 50-మెగాపిక్సెల్ మెయిన్ కెమెరా, 8-మెగాపిక్సెల్ సెల్ఫీ కెమెరా, 5,000mAh బ్యాటరీ, సైడ్-మౌంటెడ్ ఫింగర్ ప్రింట్ సెన్సార్ను కలిగి ఉంది. ఈ ఫోన్రెండు స్టోరేజ్ ఆప్షన్‌లలో అందుబాటులో ఉంటుంది. ప్రస్తుతం ఆఫ్‌లైన్ రిటైలర్‌ల ద్వారా ప్రత్యేకంగా కొనుగోలు చేయడానికి అందుబాటులో ఉంది. ఈ ఏడాది ఫిబ్రవరి నెలలో భారత్లో ప్రారంభించిన 'లావా్ యువ 3' మొబైల్కు ఇది సక్సెసర్.
స్పెసిఫికేషన్స్ అండ్ ఫీచర్స్:ఈ కొత్త 'లావా యువ 4' మొబైల్ 6.56 అంగుళాల HD+ స్క్రీన్‌ను కలిగి ఉంది. దీని రిఫ్రెష్ రేట్ 90Hz. ఈ ఫోన్ 4GB RAM, 128GB వరకు ఆన్‌బోర్డ్ స్టోరేజ్‌తో Unisoc T606 SoCని కలిగి ఉంది. ఈ మొబైల్ ఆండ్రాయిడ్ 14 పై రన్ అవుతుంది.
కెమెరా సెటప్: ఇది సెల్ఫీలు, వీడియో కాల్స్ కోసం 50-మెగాపిక్సెల్ ప్రైమరీ రియర్ సెన్సార్, 8-మెగాపిక్సెల్ ఫ్రంట్ కెమెరా సెన్సార్ను కలిగి ఉంది. దీని ఫ్రంట్ కెమెరాను ముందు ప్యానెల్ పైభాగంలో హోల్-పంచ్ స్లాట్ లోపల అమర్చారు.