Jio Rs.189 Recharge Plan:జియో తన చౌకైన నెలవారీ రీఛార్జ్ ప్లాన్ను మళ్లీ ప్రారంభించింది. రిలయన్స్ జియో తన యాప్‌లో ఇప్పుడు ఈ ప్లాన్‌ని లైవ్ చేస్తోంది. మై జియో యాప్ వాల్యూ సెక్షన్కు వెళ్తే మీకు ఈ ప్లాన్ కన్పిస్తుంది. ఈ ప్లాన్ ధర కేవలం రూ.189 మాత్రమే. కంపెనీ ఈ ప్లాన్తో వినయోగదారులకు అన్లిమిటెడ్ కాలింగ్తో పాటు డేటా, SMS ప్రయోజనాలను అందిస్తోంది. దీనిపై మరిన్ని వివరాలు మీకోసం.
జియో చౌకైన రీఛార్జ్ ప్లాన్:రిలయన్స్ జియో రూ. 189లతో తీసుకొచ్చిన ఈ రీఛార్జ్ ప్లాన్ 28 రోజుల వాలిడిటీతో వస్తుంది. ఈ 28 రోజుల పాటు అన్లిమిటెడ్ కాల్స్ మాట్లాడుకోవచ్చు. దీంతోపాటు ఈ ప్లాన్తో యూజర్లకు మొత్తం 300 SMS, 2GB డేటా లభిస్తుంది. వీటితో పాటు ఈ ప్లాన్లో జియో టీవీ, జియో సినిమా, జియో క్లౌడ్ సబ్‌స్క్రిప్షన్ ప్రయోజనాలు కూడా అందుబాటులో ఉన్నాయి.
టెలికాం రెగ్యులేటరీ అథారిటీ ఆఫ్ ఇండియా అంటే (TRAI) అన్ని టెలికాం కంపెనీలను కాలింగ్, SMS ఓన్లీ ప్లాన్లను మాత్రమే ప్రారంభించమని కోరింది. దీంతో ఇటీవలే జియో, ఎయిర్టెల్, వొడాఫోన్-ఐడియా కంపెనీలు కేవలం కాలింగ్, SMSల కోసం మాత్రమే కొత్త రీఛార్జ్ ప్లాన్లను ప్రారంభించాయి. ఈ క్రమంలో జియో తన వెబ్సైట్ అండ్ యాప్ నుంచి రూ. 189 ఈ చౌకైన రీఛార్జ్ ప్లాన్ను తొలగించింది. అయితే కంపెనీ ఇప్పుడు ఈ ప్లాన్ను మళ్లీ యాక్టివేట్ చేసింది.
ఇక ట్రాయ్ ఆదేశాల ప్రకారం జియో ఇటీవలే వాయిస్ కాలింగ్, SMS కోసం మాత్రమే రెండు రీఛార్జ్ ప్లాన్లను ప్రారంభించింది. ఈ రెండు ప్లాన్‌ల ధరలు రూ. 448, రూ. 1748.