ఆండ్రాయిడ్ యూజర్స్​ కోసం గూగుల్ సరికొత్త ఫీచర్- దీని ఉపయోగాలు తెలిస్తే అవాక్కైపోతారంతే! - Google Launched Gemini Live

Google Launched Gemini Live: ఆండ్రాయిడ్ యూజర్స్​కు అదిరే గుడ్​న్యూస్ వచ్చింది. వీరికోసం గూగుల్ సరికొత్త ఫీచర్​ను లాంచ్ చేసింది. గూగుల్ జెమినీ లైవ్‌ పేరుతో తీసుకొచ్చిన ఈ ఫీచర్​తో టైప్ చేయకుండానే దేని గురించి అయినా మాట్లాడొచ్చు. అంతేకాదండోయ్ ఇది మనకు సందర్భానుసారంగా ఐడియాస్ కూడా ఇస్తుంది. మరెందుకు ఆలస్యం దీనిపై మరిన్ని వివరాలు తెలసుకుందాం రండి.

Google Launched Gemini Live: ఆండ్రాయిడ్ వినియోగదారుల కోసం గూగుల్ సరికొత్త ఫీచర్​ను లాంచ్ చేసింది. తన AI చాట్‌బాట్ ఆధారిత టూ-వే వాయిస్ చాట్ ఫీచర్‌ 'గూగుల్ జెమినీ లైవ్‌'ను ప్రారంభించింది. ఈ ఫీచర్​ను ఉపయోగించి టైప్ చేయకుండానే దేని గురించి అయినా మాట్లాడొచ్చు. ఈ యాప్​ను గూగుల్ ప్లే స్టోర్ నుంచి డౌన్​లోడ్ చేసుకోవచ్చు. ఈ సందర్భంగా ఏంటీ ఫీచర్? ఇది ఎలా ఉపయోగపడుతుంది? దీన్ని డౌన్​లోడ్​ చేసుకోవటం ఎలా? వంటి వివరాలు మీకోసం.

ఏంటీ జెమిని లైవ్ ఫీచర్?:

• జెమిని లైవ్ అనేది Google AI చాట్‌బాట్ ఆధారిత టూ- వే వాయిస్ చాట్ ఫీచర్.
• ఈ సరికొత్త ఫీచర్​ ఇప్పుడు Android వినియోగదారులందరికీ అందుబాటులో ఉంది.
• ఈ ఫీచర్​ను మొదట్లో Google One AI ప్రీమియం ప్లాన్ ద్వారా జెమిని అడ్వాన్స్‌డ్ యూజర్స్​కు తీసుకొచ్చారు.
• కానీ ఇప్పుడు కంపెనీ వినియోగదారులందరికీ దీన్ని అందుబాటులోకి తెచ్చింది.
• అయితే ఈ ఫీచర్ బేసిక్ వెర్షన్​ను మాత్రమే యూజర్స్​కు అందుబాటులో ఉంది.

Google Launched Gemini Live (Getty Images)

జెమిని ఐఫోన్ వినియోగదారులకు కాదు:

• ఈ సరికొత్త జెమినీ లైవ్ ఫీచర్ ఐఫోన్ వినియోగదారులకు కాదు.
• ఐఫోన్ యూజర్స్​ జెమిని యాప్ ఇప్పటికీ iOSలో అందుబాటులో లేదనే విషయం గమనించాలి.
• కనుక iPhone వినియోగదారులకు Gemini Live ఫీచర్ కూడా అందుబాటులో ఉండదు.

జెమిని లైవ్ ఫీచర్‌ బెనిఫిట్స్:

• ఈ సరికొత్త ఫీచర్​తో టైప్ చేయకుండానే దేని గురించి అయినా మాట్లాడొచ్చు.
• Gemini తిరిగి మాటల రూపంలో మనకు సమాధానం ఇస్తుంది.
• ఐడియాస్ కూడా ఇస్తుంది: ఈవెంట్స్ ప్లానింగ్, బిజినెస్ ప్లాన్​, మీ ప్రియమైనవారి కోసం ఎలాంటి గిఫ్ట్స్ ఇస్తే బాగుంటుంది? వంటి వాటిపై Geminiతో చర్చిస్తే మీకు మంచి ఐడియాస్ ఇస్తుంది.
• అన్వేషించొచ్చు: మీకు ఆసక్తి ఉన్న టాపిక్స్​పై మరిన్ని వివరాలను Geminiని అడిగి తెలుసుకోవచ్చు.
• రిహార్సల్ చేయొచ్చు:ముఖ్యమైన అకేషన్స్ కోసం మరింత సహజమైన, ఇంటరాక్టివ్ పద్ధతిలో రిహార్సల్ చేయొచ్చు.
• అయితే ఈ Gemini Live ఫీచర్​ను దశలవారీగా Android మొబైల్ డివైజ్‌లలో ఇంగ్లీష్ భాషలో మాత్రమే రిలీజ్ చేస్తున్నారు. కాబట్టి ఇది మీకు ఇంకా అందుబాటులో ఉండకపోవచ్చు.

Google Launched Gemini Live (Getty Images)

జెమిని లైవ్ ఫీచర్‌ని ఉపయోగించడం ఎలా?:

• Android మొబైల్ డివైజ్‌లలో Gemini యాప్‌ని డౌన్‌లోడ్ చేసి ఇన్‌స్టాల్ చేయాలి.
• తర్వాత జెమిని యాప్‌ను ఓపెన్​ చేస్తే స్క్రీన్​కు దిగువన కుడివైపున ఉన్న వేవ్‌ఫార్మ్ ఐకాన్​ కన్పిస్తుంది.
• దానిపై క్లిక్ చేస్తే మొదటిసారి వినియోగదారులు టర్మ్స్​ అండ్ కండిషన్స్ మెను కన్పిస్తుంది. దాన్ని యాక్సెప్ట్ చేయాలి.
• ఇప్పుడు మీరు జెమిని లైవ్ ఇంటర్‌ఫేస్‌ని చూడొచ్చు.
• అంతే ఇక మీరు ఈ ఫీచర్​తో మీ సంభాషణ కొనసాగించొచ్చు.