2025 Ather 450:ఈ కొత్త సంవత్సరంలో మంచి ఎలక్ట్రిక్ టూ-వీలర్ కొనుగోలు చేయాలనుకుంటున్నారా? అయితే మార్కెట్లోకి ఏథర్ నుంచి 2025 మోడల్స్ ఎంట్రీ ఇచ్చాయి. కంపెనీ తన '450 సిరీస్'ను అప్డేట్ చేసి అద్భుతమైన ఫీచర్లతో స్కూటర్లను తీసుకొచ్చింది. ఈ స్కూటర్లతో పాటు ఏథర్ హాలో హెల్మెట్‌ను కూడా ఉచితంగా అందిస్తోంది. మార్కెట్లో వీటి బుకింగ్స్ ఇప్పటికే ప్రారంభమయ్యాయి. మరెందుకు ఆలస్యం వీటి ధర, ఫీచర్లు, స్పెసిఫికేషన్లపై మరిన్ని వివరాలు తెలుసుకుందాం రండి.
450 సిరీస్లో ఏథర్ కొత్త మోడల్స్ ఇవే:
- 2025 ఏథర్ 450S
- 2025 ఏథర్ 450X
వీటితో పాటు కంపెనీ పరిమిత కాలం ఎడిషన్ కింద '450 అపెక్స్' స్కూటీని కూడా తీసుకొచ్చింది.
2025 ఏథర్ 450S: ఈ ఏథర్ కొత్త మోడల్ స్కూటర్లో MRF మల్టీ కాంపౌండ్ టైర్లను వినియోగించారు. దీంతో మెరుగైన గ్రిప్ సాధ్యమవుతుంది. ఏథర్ స్టాక్‌ 6 సాఫ్ట్‌వేర్‌తో ఈ స్కూటర్ను తీసుకొచ్చారు. దీని సహాయంతో గూగుల్ మ్యాప్స్‌, అలెక్సా వాయిస్‌ అసిస్టెంట్‌, వాట్సాప్ నోటిఫికేషన్‌ వంటి ఫీచర్లను వినియోగించుకోవచ్చు. వీటితో పాటు ఈ స్కూటర్లో కొత్తగా 'పింగ్‌ మై స్కూటర్', లైవ్‌ లొకేషన్‌ షేరింగ్‌ వంటి ఫీచర్లనూ అందించారు.
- బ్యాటరీ కెపాసిటీ:2.9kWh
- ఐడీసీ రేంజ్: 122 కి.మీ
- ధర: రూ.1,29,999 (ఎక్స్‌షోరూమ్‌)
దీని 2.9kWh బ్యాటరీని ఏథర్ డ్యుయె ఫాస్ట్‌ ఛార్జర్‌తో కేవలం 3 గంటల్లోనే 80 శాతం వరకు ఛార్జింగ్ చేయొచ్చని కంపెనీ చెబుతోంది.
2025 ఏథర్ 450X:ఈ ఎలక్ట్రిక్స్కూటీ రెండు వేరియంట్లలో, ఆరు ఆకట్టుకునే కలర్ ఆప్షన్లలో మార్కెట్లో అందుబాటులో ఉంది. దీని మొదటి వేరియంట్ 2.9 kWh బ్యాటరీ కెపాసిటీతో వస్తుంది. దీని ఐడీసీ రేంజ్ 126 కిలోమీటర్లు. దీని ధరను కంపెనీ రూ.1,46,999గా నిర్ణయించింది.