ఉప్పల్​ స్టేడియంలో హైదరాబాద్ వర్సెస్ పంజాబ్​ మ్యాచ్ - ఆ మార్గాల్లో ట్రాఫిక్ మళ్లింపు - Traffic Diversion Due To ipl match

Traffic Diversion At Uppal Due To IPL Match : ఆదివారం మధ్యాహ్నం ఉప్పల్ స్టేడియంలో ఎస్​ఆర్​హెచ్ వర్సెస్ పంజాబ్ మధ్య మ్యాచ్ కారణంగా ఆ మార్గంలో ట్రాఫిక్ అంక్షలు ఉంటాయని రాచకొండ సీపీ తరుణ్​ జోషి వెల్లడించారు. చెంగిచెర్ల, బోడుప్పల్, పీర్జాదీగూడ నుంచి ఉప్పల్ వచ్చే వాహనాలు భగాయత్‌ రోడ్డు వైపు మళ్లిస్తామని తెలిపారు.

Traffic Diversion in Hyderabad Due To IPL Match : ఆదివారం మధ్యాహ్నం 3 గంటలకు ఉప్పల్ స్టేడియంలో సన్‌రైజర్స్ హైదరాబాద్‌ - పంజాబ్‌ కింగ్స్‌ మధ్య మ్యాచ్‌ నేపథ్యంలో ఆ మార్గంలో ట్రాఫిక్‌ ఆంక్షలు ఉంటాయని రాచకొండ సీపీ తరుణ్‌జోషి వెల్లడించారు. మధ్యాహ్నం 1 గంట నుంచి రాత్రి 10:30 గంటల వరకు ఆంక్షలు అమల్లో ఉండనున్నట్లు తెలిపారు. చెంగిచెర్ల, బోడుప్పల్, పీర్జాదిగూడ నుంచి ఉప్పల్ వచ్చే వాహనాలు భగాయత్‌ రోడ్డువైపు మళ్లిస్తామని వెల్లడించారు. వాహనదారులు సహకరించాలని కోరారు.

SRH vs Punjab Match : సన్​రైజర్స్ తన​ చివరి మ్యాచ్‌ను పంజాబ్‌ కింగ్స్​తో నేడు ఆడనుంది. ఈ మ్యాచ్‌లో ఎస్​ఆర్​హెచ్​ గెలిస్తే పాయింట్ల పట్టికలో 17 పాయింట్లతో రెండో స్థానానికి చేరే అవకాశం ఉంటుంది. కానీ ఇది జరగాలంటే కోల్‌కతా నైట్​ రైడర్స్​తో జరిగే తమ చివరి మ్యాచ్‌లో రాజస్థాన్‌ రాయల్స్ ఓడిపోవాల్సి ఉంటుంది. అప్పుడు రాజస్థాన్‌ 16 పాయింట్లతో మూడో స్థానంలో, 17 పాయింట్లతో హైదరాబాద్‌ రెండో పొజిషన్​లో కొనసాగుతాయి.

ఆర్సీబీ ఈసారైనా కప్పు కొట్టేనా? ఐపీఎల్ 2024లో భాగంగా ప్లే ఆఫ్స్​కి చేరే నాల్గో జట్టుపై శనివారం స్పష్టత వచ్చిన సంగతి తెలిసిందే. ఇప్పటికే కోల్​కతా, రాజస్థాన్​, హైదరాబాద్​ టీమ్​లు తమ బెర్తులను ఖాయం చేసుకోగా, నాల్గో ఎంట్రీ కోసం శనివారం బెంగళూరు-చెన్నై తలపడ్డాయి. చిన్నస్వామి స్టేడియంలో జరిగిన ఈ మ్యాచ్​లో ఆర్సీబీ గెలుపొంది, ప్లే ఆఫ్స్​లోకి అడుగుపెట్టింది. తొలి 8 మ్యాచుల్లో ఒకటి నెగ్గి, 7 మ్యాచుల్లో ఓటమిని చవిచూసి ప్లే ఆఫ్స్​ రేసు నుంచి తప్పుకున్నట్లు కనిపించిన కోహ్లీ బృందం, అనూహ్యంగా పుంజుకుని వరుస విజయాలతో ప్లే ఆఫ్స్​కు చేరుకుంది. చెన్నైతో సమానంగా 14 పాయింట్లే సాధించినప్పటికీ, మెరుగైన నెట్​ రన్​రేట్​ కారణంగా ఆర్సీబీ ముందంజ వేసింది. 2016లో తృటిలో చేజారిన ఐపీఎల్​ ట్రోఫీని బెంగళూరు టీమ్ ఈసారైనా అందుకుంటుందేమో తెలియాలంటే ఇంకొన్ని రోజులు వేచి చూడాల్సిందే.