Ola Roadster X and X+ Launched: ప్రముఖ విద్యుత్ టూ-వీలర్ తయారీ సంస్థ ఓలా ఎలక్ట్రిక్ నుంచి రెండు ఇ-మోటార్సైకిల్స్ మార్కెట్లోకి ఎంట్రీ ఇచ్చాయి. కంపెనీ 'రోడ్స్ట్ర్ X', 'రోడ్స్టర్ X+' పేరుతో ఈ రెండు ఎలక్ట్రిక్ బైక్స్ బుకింగ్స్ను ఇవాళ ప్రారంభించింది. దీంతో ఇప్పటి వరకూ ఎలక్ట్రిక్ స్కూటర్లను మాత్రమే విక్రయిస్తున్న సంస్థ ఇప్పుడు ఈవీ మోటార్సైకిల్ విభాగంలోకి ప్రవేశించింది. ఈ సందర్భంగా వీటి రేంజ్, ధర, ఫీచర్ల వివరాలు మీకోసం.
'ఓలా రోడ్స్టర్ X' బ్యాటరీ అండ్ పవర్ ట్రెయిన్: ఈ కొత్త 'ఓలా రోడ్స్టర్ X' ఎలక్ట్రిక్ మోటార్సైకిల్ మూడు బ్యాటరీ ఆప్షన్లను కలిగి ఉంటుంది.
- 2.5 kWh
- 3.5 kWh
- 4.5 kWh
ఇవి 9.38 HP గరిష్ఠ శక్తిని ఉత్పత్తి చేస్తాయి.
దీని 2.5 kWh బ్యాటరీ వేరియంట్ 105 km/h టాప్ స్పీడ్ను కలిగి ఉంటుంది. ఇది కేవలం 3.4 సెకన్లలో 0 - 40 km/h వేగాన్ని అందుకుంటుంది. ఇది సింగిల్ ఛార్జ్తో 140 కి.మీ రేంజ్ను అందిస్తుందని సమాచారం.
ఇక దీని 3.5 kWh, 4.5 kWh రెండు బ్యాటరీ వేరియంట్‌లూ 118 km/h గరిష్ఠ వేగాన్ని అందిస్తాయి. ఇవి కేవలం 3.1 సెకన్లలో దీన్ని పూర్తి చేస్తాయి. వీటిలో 3.5 kWh బ్యాటరీ వేరియంట్ సింగిల్ ఛార్జ్తో 196 కి.మీ, 4.5 kWh బ్యాటరీ వేరియంట్ 252 కి.మీ చొప్పున రేంజ్ను అందిస్తాయని కంపెనీ చెబుతోంది.
'ఓలా రోడ్స్టర్ X+' బ్యాటరీ అండ్ పవర్ ట్రెయిన్: ఈ 'ఓలా రోడ్స్టర్ X+' ఇ-మోటార్సైకిల్ రెండు బ్యాటరీ వేరియంట్లను కలిగి ఉంది. ఇవి గరిష్ఠంగా 14.75 HP పవర్ అవుట్‌పుట్‌ను అందిస్తాయి. ఈ బైక్ టాప్ స్పీడ్ 125 km/h. ఇది కేవలం 2.7 సెకన్లలో 0 నుంచి 40 km/h వేగాన్ని అందుకుంటుంది.
- 4.5 kWh
- 9.1 kWh
ఇక ఓలా రోడ్స్టర్ X+ మోడల్ 4.5 kWh బ్యాటరీ వేరియంట్ 252 కి.మీ రేంజ్, 9.1 kWh బ్యాటరీ వేరియంట్ 501 కి.మీ రేంజ్ను అందిస్తుందని ఓలా చెబుతోంది.
ఓలా రోడ్స్టర్ X అండ్ రోడ్స్టర్ X+ ఫీచర్లు:
ఓలా రోడ్స్టర్ X: ఈ కొత్త 'రోడ్స్టర్ X' మోడల్ స్పోర్ట్స్, నార్మల్, ఎకో అనే మూడు రైడింగ్ మోడ్‌లను కలిగి ఉంది. ఇందులో స్మార్ట్ కనెక్టివిటీతో 4.3 అంగుళాల LCD కలర్ సెగ్మెంటెడ్ డిస్‌ప్లే, MoveOS 5 ద్వారా ఆధారితమైన USB వంటి ఫీచర్లు ఉన్నాయి.
ఓలా రోడ్స్టర్ X+: రోడ్స్టర్ X+ కూడా రోస్టర్ X మాదిరిగానే అదే ఫీచర్లతో వస్తుంది. అయితే ఇందులో USBతో 4.3 అంగుళాల సెగ్మెంటెడ్ LCD స్క్రీన్ను అమర్చింది. దీంతోపాటు ఎనర్జీ ఇన్సైట్స్, అడ్వాన్స్డ్ రీజెన్, క్రూయిజ్ కంట్రోల్, రివర్స్ మోడ్ వంటి అనేక రకాల డిజిటల్ టెక్ ఫీచర్‌లను కూడా అందించింది.
ఓలా రోడ్స్టర్ X, రోడ్స్టర్ X+ ధరలు:
ఓలా రోస్టర్ X:
- కంపెనీ రోడ్స్టర్ X సిరీస్ను రూ. 74,999 (ఎక్స్-షోరూమ్) ధరతో ప్రారంభించింది. అంటే ఇది దీని 2.5 kWh బ్యాటరీ వేరియంట్ ధర.
- దీని 3.5 kWh బ్యాటరీ వేరియంట్ ధర: రూ. 84,999 (ఎక్స్- షోరూమ్)
- ఇక దీని 4.5 kWh బ్యాటరీ వేరియంట్ ధర: రూ. 95,999 (ఎక్స్- షోరూమ్)
ఓలా రోడ్స్టర్ X+:
- రోడ్స్టర్ X+ మోడల్ 4.5kWh బ్యాటరీ వేరియంట్ ధర: రూ. 1,04,999 (ఎక్స్-షోరూమ్)
- దీని 9.1kWh వేరియంట్ ధర: రూ. 1,54,999 (ఎక్స్-షోరూమ్)
డెలివరీలు ఎప్పటి నుంచి?: దేశీయ మార్కెట్లో వీటి డెలివరీలు మార్చి నెల మధ్యలో (మిడ్-మార్చి) నుంచి ప్రారంభమవుతాయని ఓలా పేర్కొంది.
గ్లోబల్ మార్కెట్లోకి మొట్ట మొదటి ట్రై ఫోల్డ్ ఫోన్!- మరి భారత్లో కూడా ఎంట్రీ ఇస్తుందా?
అందరికీ అదే ఫోన్ కావాలట- ప్రపంచంలోనే నంబర్ వన్గా ఐఫోన్ 15!
చాట్జీపీటీలో కొత్త ఏఐ టూల్- ఇది డీప్సీక్కు చెక్ పెట్టనుందా?
