Tirupati Police Arrest Thief :చోరీ డబ్బులతో విమానాల్లో ప్రయాణిస్తాడు. స్టార్ హోటళ్లలో విడిది చేస్తూ విలాసవంతమైన జీవితం గడుపుతాడు. 16 సంవత్సరాలకే దొంగతనాలు మొదలు పెట్టి అంతర్రాష్ట్ర స్థాయిలో 18 కేసుల్లో నిందితుడైన విలాసాల దొంగను తిరుపతి క్రైమ్‌ పోలీసులు అరెస్టు చేశారు. తిరుపతి సీసీఎస్‌ పోలీసు స్టేషన్‌లో అదనపు ఎస్పీ నాగభూషణ రావు, డీఎస్పీ రమణ కుమార్‌లు మీడియా సమావేశంలో వివరాలు వెల్లడించారు.
ఈ నెల 15న మధ్యాహ్నం తిరుపతి ఎయిర్‌ బైపాస్‌ రోడ్డులో తాళం వేసి ఉన్న వెస్ట్రన్‌ యూనియన్‌ మనీ ట్రాన్స్‌ఫర్‌ కార్యాలయంలోకి ఓ వ్యక్తి చొరబడి క్యాష్‌ కౌంటర్‌లోని రూ.8 లక్షలు చోరీ చేశాడని తెలిపారు. కేసు నమోదు చేసిన సీఐలు ప్రకాష్‌ కుమార్, చిన్న పెద్దయ్య, ఎస్‌ఐ శుభన్‌ నాయక్‌తో పాటు సిబ్బంది బృందాలుగా ఏర్పడి దర్యాప్తు చేపట్టారని అన్నారు సీసీ కెమెరాలు, సాంకేతిక పరిజ్ఞానంతో నిఘా పెట్టగా ఈ నెల 22న శ్రీసాయి నిర్మలా కల్యాణ మండపం వద్ద అనుమానాస్పదంగా తిరుగుతున్న ప్రకాశం జిల్లా సింగరాయకొండ సమీపంలోని సోమరాజపల్లికి చెందిన గురువిళ్ల అప్పల నాయుడు (29)ను అదుపులోకి తీసుకున్నారని, అలాగే రూ.6 లక్షల నగదు, స్క్రూడ్రైవర్‌ స్వాధీనం చేసుకున్నారని తెలిపారు.
ఆరు కేసుల్లో నిందితుడు -అదుపులోకి తీసుకునేందుకు వచ్చిన పోలీసులు - చివరకు ఏం జరిగిందంటే!