రానున్న 36 గంటల్లో అల్పపీడనం - ఏపీలో మూడు రోజుల పాటు వర్షాలు

నైరుతి బంగాళాఖాతంలో కొనసాగుతున్న ఆవర్తనం - రానున్న 36 గంటల్లో అల్పపీడనం ఏర్పడే అవకాశం - ఆ మూడు రోజులపాటు ఏపీలో పలు జిల్లాలకు వర్షసూచన

IMD Issues Cyclone and Rain Alert in Andhra Pradesh : నైరుతి బంగాళాఖాతంలో ఆవర్తనం కొనసాగుతోందని, దీని ప్రభావంతో రానున్న 36 గంటల్లో అల్పపీడనం ఏర్పడే అవకాశం ఉందని వాతావరణ శాఖ అధికారులు వెల్లడించారు. ఈ నేపథ్యంలో రానున్న రెండురోజుల్లో పశ్చిమ దిశగా తమిళనాడు, శ్రీలంక తీరాల మీదుగా ఈ ఆవర్తనం కొనసాతుందని తెలిపారు. ఈ నేపథ్యంలో ఈ నెల 12, 13, 14 తేదీల్లో దక్షిణకోస్తా, రాయలసీమ జిల్లాల్లో కొన్ని ప్రాంతాల్లో మోస్తరు వర్షాలు, మిగతా ప్రాంతాల్లో తేలికపాటి వర్షాలు కురిసే అవకాశాలున్నాయని వెల్లడించారు. వర్షాల నేపథ్యంలో రైతులు తగిన జాగ్రత్తలు తీసుకోవాలని విపత్తు నిర్వహణ సంస్థ హెచ్చరించింది.