IG Ranganath Suspended Six Police Officers :మల్టీ జోన్ 1 పరిధిలో విధి నిర్వహణలో నిర్లక్ష్యం వహించిన ఆరుగురు పోలీస్ అధికారులను ఐజీ ఎ.వి రంగనాథ్ సస్పెండ్ చేశారు. సస్పెండ్అయిన వారిలో ఇద్దరు ఇన్స్పెక్టర్లు, ఇద్దరు ఎస్సైలు, హెడ్ కానిస్టేబుల్, కానిస్టేబుల్ లు ఉన్నారు. పంజాగుట్ట పోలీస్ స్టేషన్ పరిధిలో ప్రజా భవన్ వద్ద జరిగిన రోడ్డు ప్రమాదానికి కారణమైన బోధన్ మాజీ ఎమ్మెల్యే షకీల్ కుమారుడుసాహిల్నుతప్పించెందుకే పంజాగుట్ట ఇన్స్పెక్టర్తో సంప్రదింపులు జరిపినట్లుగా హైదరాబాద్ సీపీ విచారణలో తేలింది. దీంతో అప్పటి బోధన్ ఇన్స్పెక్టర్ ప్రేమ్ కుమార్ను సస్పెండ్ చేశారు. మద్యం సేవించి పోలీస్స్టేషన్కు వచ్చి సిబ్బందిని ఇబ్బందులకు గురిచేసిన నిజామాబాద్ జిల్లా సీసీఎస్ ఇన్స్పెక్టర్ యం.రమేష్ను సస్పెండ్ చేశారు.
విధుల్లో నిర్లక్ష్యం వహించిన అధికారులపై సస్పెన్షన్ వేటు :పట్టుకున్న గంజాయిని భద్రంగా దాచిపెట్టకుండా పోలీసులు నిర్లక్ష్యం ప్రదర్శించారు. వారి నిర్లక్ష్యంతో ఠాణాలో ఉన్న గంజాయిని దుండగులు ఎత్తుకెళ్లారు. ఈ ఘటన జగిత్యాల జిల్లా సారంగాపూర్‌ పోలీస్ స్టేషన్ చోటు చేసుకోగా బాధ్యులైన పోలీసులపై ఉన్నతాధికారులు కొరడా ఝలిపించారు. ఇద్దరు ఎస్సైలు, ఒక హెడ్ కానిస్టేబుల్, ఒక కానిస్టేబుల్‌ను సస్పెండ్ చేస్తూ మల్టీ జోన్ ఐజీ ఏవి.రంగనాథ్ ఉత్తర్వులు జారీ చేశారు.