Movie Shootings At Dandumalkapur : చుట్టూ ఎత్తైన కొండలు ఆహ్లాదకరమైన గాలి. ఎటు చూసినా ఎర్రటి నేల ప్రాంతం దండుమల్కాపురం. తెలంగాణ రాజధాని హైదరాబాద్‌కు అతి సమీపంలో ఉండటంతో సినిమాల చిత్రీకరణలకు కేరాఫ్‌గా మారింది ఈ ప్రాంతం. యాదాద్రి భువనగిరి జిల్లా చౌటుప్పల్‌ మండలంలోని ఈ గ్రామ శివారు ప్రాంతాల్లో పలువురు పెద్ద హీరోల సినిమాల షూటింగ్ జరిగింది. ఎక్కువగా ఇక్కడ టాలీవుడ్ స్టార్ హీరోల సినిమాల్లోని క్లైమాక్స్ ఫైటింగ్‌ సన్నివేశాలనే చిత్రీకరించారు. ప్రస్తుతం హీరో బాలయ్య నటిస్తున్న(NBK 109) సినిమా చిత్రీకరణ కూడా ఇదే గ్రామంలో జరుగుతోంది.
నెల రోజుల క్రితం ఇక్కడ వేసిన రాజస్థాన్‌ పల్లెటూరు సెట్ అక్కడి ప్రజలను, అభిమానులను ఆకట్టుకుంటోంది. ఇప్పటికే హీరో బాలకృష్ణ, హీరోయిన్పై ఈ సినిమాలోని పలు కీలక సన్నివేశాలను దర్శకుడు కె.ఎస్‌.రవీంద్ర(బాబీ) తెరకెక్కించారు. మరికొన్ని రోజుల పాటు ఇక్కడ సినిమా చిత్రీకరణ జరుగనున్నట్టు మేకర్స్ తెలిపారు.
బాలయ్య టు మహేశ్, పవన్.. టాలీవుడ్ స్టార్ హీరోస్ అంతా శ్రీలీలతోనే..
గబ్బర్ సింగ్‌తో హరీశ్ శంకర్ :దండుమల్కాపురంలో తొలుత పవర్ స్టార్ పవన్‌కల్యాణ్‌ నటించిన ‘గబ్బర్ సింగ్’ సినిమా క్లైమాక్స్ ఫైటింగ్‌ను దశల వారీగా ఇక్కడే చిత్రీకరించారు. దర్శకుడు హరీశ్ శంకర్ స్కార్పియో వాహనాలతో తీసిన ఛేజింగ్‌ ఫైటింగ్‌ సన్నివేశం సినిమాకే హైలైట్‌గా నిలిచింది. ఇదే సినిమాలో ఓ పాటలో కూడా ఈ ప్రాంతం ఉంది. దర్శకుడు రాఘవ లారెన్స్‌ దర్శకత్వంలో హీరో ప్రభాస్‌ నటించిన ‘రెబల్‌’ సినిమా షూటింగ్ కూడా ఇక్కడే జరిగింది.