Father and Daughter Killed old Woman for Gold in Nellore : బంగారు నగల కోసం తెలిసిన వృద్ధరాలిని నమ్మించి హత్య చేశారు ఓ తండ్రీకుమార్తెలు. ఆపై వృద్ధరాలి మృతదేహాన్ని ముక్కలుగా చేసి సూట్ కేసులో సర్దేశారు. ఈ దారుణమైన ఘటన ఏపీలో నెల్లూరు జిల్లాలో జరగగా సంచలనంగా మారింది. తెలిసిన వివరాల ప్రకారం వృద్ధురాలిని నెల్లూరులోనే హత్యచేసి మృతదేహాన్ని మాయం చేసేందుకు ప్రయత్నించారు. హంతకులు ఇద్దరూ తండ్రి, కుమార్తెగా పోలీసులు గుర్తించారు. బంగారు ఆభరణాలు కోసమే వృద్ధరాలిని హత్య చేసినట్లు దర్యాప్తులో వెల్లడైంది.
ఏపీలోని నెల్లూరులో కుక్కలగుంట రాజేంద్రనగర్ ప్రాంతానికి చెందిన రమణి(65) అనే వృద్దురాలు సోమవారం కూరగాయలు కొనేందుకు వెళ్లి కనిపించకుండా పోయారు. కుటుంబసభ్యలు, చట్టుపక్కల వారు ఎంత వెతికినా ఆమె ఆచూకీ లభ్యం కాలేదు. దీంతో తన తల్లి రమణి కనిపించడం లేదంటూ వృద్ధరాలి కుమారుడు పురుషోత్తం పోలీసులకు ఫిర్యాదు చేశారు. ఈ క్రమంలో చెన్నై రైల్వే స్టేషన్ వద్ద సూట్ కేసులో వృద్ధురాలి మృతదేహాన్ని పట్టుకున్నట్లు నెల్లూరు పోలీసులకు సమచారం వచ్చింది. ఆ మృతదేహం వృద్ధురాలు రమణిదేనని పోలీసులు గుర్తించగా, మృతురాలి కుటుంబసభ్యులతో కలిసి చెన్నైకు వెళ్లారు.
'తన తల్లి కనిపించడం లేదని ఆమె కుమారుడు పురుషోత్తం ఫిర్యాదు చేశారు. దీంతో మేం కేసు నమోదు చేసి దర్యాప్తు చేపట్టగాచెన్నైలో ఓ వృద్ధురాలి మృతదేహం లభ్యం అయినట్లు సమాచారం అందింది. ఈ హత్య కేసులో పూర్తి వివరాలు తెలియాల్సి ఉంది'-శ్రీనివాసరావు, సీఐ