Etv Bharath Prathidwani :సార్వత్రిక ఎన్నికలకు అధికార, విపక్షకూటములు సమరశంఖం పూరించాయి. జనవిశ్వాస్ పేరుతో 'ఇండియా కూటమి (INDIA Alliance)', విజయసంకల్ప సభలతో ప్రధాన మంత్రి నరేంద్ర మోదీ (Prime Minister Narendra Modi) ఉధృత ప్రచారానికి శ్రీకారం చుట్టారు. ఈ లోక్‌సభ ఎన్నికలను ప్రభావితం చేసే అంశాలేంటి? మోడీ సర్కార్‌ హ్యాట్రిక్ కొడుతుందా? ఇండియా కూటమి ఐక్యపోరాటం ఫలిస్తుందా? ఏఏ రాష్ట్రాలు ఎవరెవరికి అనుకూలంగా ఉన్నాయి? ఇరుపక్షాల బలాబలాటేంటి? దీనిపై విశ్లేషణ చేయటానికి ఇరువురు రాజకీయ విశ్లేషకులు ఉన్నారు. 'సార్వత్రిక సమరం - 2024' ప్రతిధ్వని కార్యక్రమంలో కేయూ సహాయ ఆచార్యులు తిరుణహరి శేషు, రాజకీయ విశ్లేషకులు డాక్టర్ అందె సత్యం పాల్గొన్నారు.
ప్రతి పోలింగ్ బూత్లో బ్రీత్ ఎనలైజర్లు ఏర్పాటు కోరుతూ - హైకోర్టులో పిల్ దాఖలు
ప్రశ్న : ఈసారి లోక్‌సభ సార్వత్రిక ఎన్నికలను ప్రధానంగా ఏఏ అంశాలు ప్రభావితం చేయబోతున్నాయి?
జవాబు :ఆచార్యులు తిరుణహరి శేషు మాట్లాడుతూ, "ప్రభుత్వం వైపు నుంచి రామ మందిరం, వికసిత్ భారత్, మోదీ చరిష్మా ఈ మూడు అంశాల ఆధారంగా తమ పార్టీకి అధికారంలో ఉన్నటువంటి ప్రభుత్వానికి, పార్టీకి ఒక పాజిటివ్ వేవ్ అని బీజేపీ నేతలు ఆశావాద దృక్పథంతో ఉన్నారు" అని తెలిపారు.
అలాగే "దేశంలో దీర్ఘకాలిక ఉన్నటువంటి సమస్యలను రాజకీయ అజెడాగా మార్చి ఎన్నికల్లో జయపజయాలను ప్రభావితం చేయాలని విపక్ష కూటమి చూస్తోంది. దీర్ఘకాలిక సమస్యలు అయినటువంటి ధరల పెరుగుదల, నిరుద్యోగం, అవినీతి, ప్రైవేటీకరణ జరగడం, కార్పొరేట్ శక్తులను విపరీతమైన ప్రాధాన్యం ఇవ్వడం వల్ల దేశంలో పెరుగుతున్న అసమానతలు, మణిపూర్ జరుగుతున్న అల్లర్లు ఇవ్వని రాబోయే ఎన్నికల్లో ప్రభావం చూపే అవకాశం ఉంది." అని అన్నారు.
బీజేపీ ఆపరేషన్ 'క్లీన్అప్'- వివాదాస్పద వ్యాఖ్యలు చేసిన 33మందికి నో టికెట్