Employee Stole 2 Crore 20 Lakh in Rajamahendravaram: గత కొంత కాలంగా ఆ ఉద్యోగి నమ్మకంగా పని చేస్తున్నాడు. ప్రతిరోజు డబ్బులతో ప్రయాణం చేస్తూ జీవనం గడుపుతున్నాడు. బ్యాంకుల నుంచి విత్ డ్రా చేసిన డబ్బులను ఏటీఎంలలో నింపుతూ తన జీవన ప్రయాణాన్ని సాఫిగా సాగిస్తున్నారు. ఏ రోజు పరాయి డబ్బుపై అతని కన్నుపడలేదు. కానీ ఓ రోజు దురాశ పుట్టింది. అనుకున్నదే తడవుగా చేతివాటం ప్రదర్శించారు. ఏటీఎంల్లో డిపాజిట్‌ చేయాల్సిన 2.2 కోట్లు డబ్బుతో పరారయ్యాడు. దీంతో ఏం చేయాలో తెలియక బ్యాంకు ఉద్యోగులు తలలు పట్టుకున్నారు. నిందితుడిని పోలీసులు తీవ్రంగా గాలించి పోలీసులు పట్టుకున్నారు.
కావలి సమీపంలో బస్సులో భారీ చోరీ - కేసును ఛేదించిన పోలీసులు - Police Solved Theft Case
ఇదీ జరిగింది :ఏటీఎంలో నింపేందుకు తీసుకున్న రెండు కోట్ల ఇరవై లక్షల నగదుతో ఏజన్సీ ఉద్యోగి పరారైన ఘటన రాజమహేంద్రవరంలో తీవ్ర కలకలం రేపింది. డాక్టర్ బీఆర్ అంబేడ్కర్ కోనసీమ జిల్లా కపిలేశ్వరపుం మండలానికి చెందిన వాసంశెట్టి అశోక్ కుమార్ రాజమహేంద్రవరంలోని ఏటీఎంలలో నగదు నింపే హెచ్టీసీ ప్రైవేటు ఏజన్సీ సంస్థలో తాత్కాలిక ఉద్యోగిగా 2021 నుంచి పనిచేస్తున్నాడు. అతడు నగరంలోని హెచ్‌డీఎఫ్‌సీ బ్యాంకు సంబంధించిన 11 ఏటీఎంలలో నగదు నింపాల్సి ఉంది. శుక్రవారం మధ్యాహ్నం ఏజన్సీ ఇచ్చిన 2 కోట్ల, 20 లక్షల, 50వేల చెక్కును దానవాయిపేట హెచ్‌డీఎఫ్‌సీ శాఖకు వెళ్లి చెక్కు ఇచ్చి నగదును ఓ ఇనుప బాక్సులో సర్దుకున్నాడు. అనంతరం అతడు బ్యాంకు బయట ఉంచిన తన వ్యక్తి గత కారులో ఆ నగదుతో పరారయ్యడు. ఏజెన్సీ ప్రతినిధులు ఇచ్చిన సమాచారంతో ఒకటో పుట్టణ పోలీసులు కేసు నమోదు చేసి నిందితుడి కోసం గాలించారు.