సిద్దిపేట నుంచి రష్యాకు నకిలీ యాంటీబయోటిక్స్​ సరఫరా - రూ.1.50 కోట్ల మందులు​ సీజ్​

నకిలీ మందుల గుట్టురట్టు - ప్రముఖ కంపెనీ పేరుతో ఫేక్ యాంటీబయోటిక్స్ తయారు చేస్తున్న జోడాస్ ఎక్స్పో ప్రైవేట్ లిమిటెడ్ కంపెనీ

Fake Antibiotics Seized at Siddipet : సిద్దిపేట జిల్లా ములుగు మండలం కరకపట్ల గ్రామంలో భారీ ఎత్తున నకిలీ యాంటీబయోటిక్స్‌ను డ్రగ్ కంట్రోల్ బ్యూరో పట్టుకుని సీజ్ చేసింది. పట్టుబడిన నకిలీ యాంటీ బయోటిక్స్​ డ్రగ్స్ విలువ రూ.1.50 కోట్లు ఉంటుందని డ్రగ్ కంట్రోల్ బ్యూరో వెల్లడించింది. జోడాస్ ఎక్స్పో ప్రైవేట్ లిమిటెడ్ కంపెనీలో ఈ నకిలీ బయోటిక్స్ తయారు చేసి, ప్రముఖ కంపెనీలకు సరఫరా చేస్తున్నట్లు అధికారులు గుర్తించారు. రష్యాకు సైతం ఈ నకిలీ యాంటీ బయోటిక్స్‌ను విక్రయిస్తున్నట్లు అధికారులు గుర్తించారు. నకిలీ ఔషధాలు తయారీకి పాల్పడితే కఠిన చర్యలు తప్పవని అధికారులు హెచ్చరించారు.