Demand for Clay Pots in Market :రిఫ్రిజిరేటర్లు, నీటిని చల్లబరిచే వాటర్ కూలర్లు మార్కెట్లో ఎన్ని వచ్చినప్పటికీ, పేదవాడి ఐస్ బాక్స్గా పేరుగాంచిన మట్టికుండలకు ఆదరణ తగ్గలేదు. ఒకప్పుడు పల్లెలకు మాత్రమే పరిమితమైన మట్టికుండలు నేడు వేసవి దాహార్తిని తీర్చడానికి నగరాల్లోనూ విరివిగా విక్రయిస్తున్నారు. పేదవారు మాత్రమే కాదు సంప్రదాయ పద్ధతిని(Traditional Method) ఇష్టపడేవాళ్లు మట్టి కుండలో నీటిని నిల్వచేసి తాగుతున్నారు.
ఒకప్పుడు గుండ్రటి ఆకారంలో మాత్రమే ఉండే కుండ, తర్వాత కాలంలో వీటిని కాస్త ఆధునీకరించి నీళ్లు తాగేందుకు వీలుగా వాటికి నల్లాలు(Water Taps) బిగిస్తున్నారు. తాగేందుకు మట్టికుండలే కాక, వెంట తీసుకెళ్లేందుకు మట్టితో చేసిన వాటర్ బాటిళ్లు కూడా అందుబాటులోకి వచ్చాయి. సంప్రదాయ పద్ధతిలో తయారు చేసే వాళ్లు తగ్గిన, వినియోగదారుల అభిరుచి మేరకు కొనుగోలు చేసి అమ్ముతామని వ్యాపారులు అంటున్నారు.
Clay Pot Water Health Benefits : మట్టి కుండలోని నీళ్లు తాగితే.. ఎన్ని ఆరోగ్య ప్రయోజనాలో తెలుసా?
"వేసవికాలం, వినాయక చవితి, దీపావళి సీజన్లో మా వ్యాపారం కాస్త మెండుగా ఉంటుంది. ముఖ్యంగా చెప్పాలంటే సమ్మర్లో మట్టికుండలు బాగా అమ్ముడై, లాభం చేకూరుతుంది. కొందరు వాటిని జాడీలని అంటారు, మేము బిందెలు అని అంటాము. మా దగ్గర మట్టి ఇంత స్మూత్గా రాదు. వీటిలో కొన్ని పలుచోట్ల నుంచి ఇక్కడకు తెచ్చి అమ్ముకుంటాం. బీపీ, షుగర్ ఉన్న వాళ్ల ఈ కుండల్లో వంట చేసుకొని తింటే, వారి ఆరోగ్యం కొంచెం నియంత్రణలోకి వస్తాది." - మట్టి కుండల వ్యాపారులు