Clash Between Two Persons For Leg Piece in Suryapet :చికెన్ లెగ్ పీస్ ఒకరి తల పగులకొట్టిస్తే, మరొకర్ని చితకబాదేలా చేసింది. దీనిపై పోలీస్‌ స్టేషన్‌కు వెళ్లినా కేసు నమోదవ్వని ఈ ఘటన మేళ్లచెరువులో మూడ్రోజుల నుంచి చర్చనీయాంశంగా మారింది. స్థానికులు తెలిపిన వివరాల ప్రకారం సూర్యాపేట జిల్లాలోని ఓ గ్రామానికి చెందిన యువకుడు 3 రోజుల కిందట మేళ్ల చెరువులోని ఓ చికెన్ దుకాణానికి వచ్చి, అందులో పని చేస్తున్న యువకిడికి చికెన్ ఆర్డరిచ్చాడు.
ఈ క్రమంలో వారిద్దరి మధ్య లెగ్ పీస్‌లపై వాదన మొదలైంది. ఇచ్చిన చికెన్‌లో తను అనుకున్నట్లు లెగ్ పీస్ వేయలేదని, అందుకు తాను డబ్బులు ఇవ్వబోనని కొనుగోలుదారుడు అన్నాడు. దాంతో గొడవ పెరిగి మరింత పెద్దగైంది. కోపోద్రిక్తుడైన దుకాణంలో పని చేసే యువకుడు చికెన్ కోసం వచ్చిన యువకుడిపై దాడి చేశాడు. ఈ దాడిలో అతని తల పగిలింది. అక్కడున్న వారు అతన్ని వెంటనే ఆసుపత్రికి తరలించారు. ఈ విషయం తెలుసుకున్న దుకాణం యజమాని బాధితుడిని కలిసేందుకు ఆసుపత్రికి వెళ్లాడు.
'ఇగో' తీసిన ప్రాణం : హారన్ కొడితే అవమానంగా ఫీలయ్యాడు - లారీకి ఎదురెళ్లి ప్రాణాలు కోల్పోయాడు