53 బార్ లైసెన్సులకు నోటిఫికేషన్​ - ఆరోజే చివరి తేదీ

బార్​ లైసెన్సులకు ఏపీ ప్రభుత్వం నోటిఫికేషన్​ - ఏడాది కాల పరిమితితో నోటిఫికేషన్​ విడుదల - ఈనెల 22 వరకు రిజిస్ట్రేషన్​ ప్రక్రియ

Bar License Application in Andhra Pradesh :ఏపీ వ్యాప్తంగా 53 బార్​ లైసెన్సుల జారీకి ఆంధ్రప్రదేశ్​ రాష్ట్ర ప్రభుత్వం నోటిఫికేషన్​ జారీ చేసింది. ఏడాది కాలపరిమితితో ఉన్న లైసెన్సులకు నోటిఫికేషన్​ను అబ్కారీ శాఖ ఇచ్చినట్లు ఎక్సైజ్​ శాఖ కమిషనర్​ నిషాంత్​ కుమార్​ తెలిపారు. ఈ బార్​ లైసెన్స్​ 2024 డిసెంబరు 1 నుంచి 2025 ఆగష్టు 31వ తేదీ వరకు ఉండనుంది.

ఈ-వేలం, ఆన్​లైన్​ లాటరీ విధానంలో బార్​లను ఎక్సైజ్​ శాఖ కేటాయించనుంది. ఈనెల 16వ తేదీ నుంచి ప్రారంభమై 22తో రిజిస్ట్రేషన్​ ప్రక్రియ ముగియనుంది. 50 వేల జనాభా వరకూ రూ.5 లక్షల నాన్​ రిఫండబుల్​ దరఖాస్తు రుసుము చెల్లించాలి. 50 వేల నుంచి 5 లక్షల లోపు జనాభా వరకూ ఉన్న ప్రాంతాలకు రూ.7.5 లక్షల దరఖాస్తు రుసుము ఇవ్వాలి. అదే 5 లక్షల పైచిలుకు జనాభా ఉన్న ప్రాంతాలకు రూ.10 లక్షల దరఖాస్తు రుసుముగా నిర్ధారించారు.

దరఖాస్తు వివరాలు :

• డిసెంబరు 16వ తేదీ నుంచి డిసెంబరు 22 వరకు రిజిస్ట్రేషన్​ ప్రక్రియ
• 50 వేల జనాభా వరకూ ఉంటే రూ.5 లక్షలు నాన్​ రిఫండబుల్​ రుసుము
• 50 వేల నుంచి 5 లక్షల లోపు జనాభా ఉంటే రూ.7.5 లక్షల దరఖాస్తు రుసుము
• 5 లక్షల పైచిలుకు జనాభా ఉన్న ప్రాంతాలకు రూ.10 లక్షల దరఖాస్తు రుసుము

తగ్గిన ప్రముఖ బ్రాండ్ల మద్యం ధరలు :గత నెలలో ఏపీ ప్రభుత్వం మందు బాబులకు మూడు మద్యం బాటిల్స్​ క్వార్టర్స్​పై ఏకంగా రూ.50 లు తగ్గించిన విషయం తెలిసిందే. ఏపీలోని మూడు ప్రముఖ మద్యం కంపెనీలు మద్యం ధరలను తగ్గించడానికి ముందుకు రాగా.. వెంటనే ఏపీ ఎక్సైజ్​ శాఖ తెలిపింది. ఆ వెంటనే తగ్గించిన రేట్లు అమల్లోకి వచ్చాయి. ఇప్పుడు అక్కడ క్వార్టర్​పై ఆ మద్యం రూ.50 లు తగ్గింది. అందులో రాయల్​ చాలెంజ్​ సెలెక్ట్​ గోల్డ్​ విస్కీ, మాన్షన్​ హౌస్​, యాంటీక్విటీ విస్కీ ఫుల్​ బాటిల్​ ధరలు తగ్గాయి. రాయల్​ చాలెంజ్​ క్వార్టర్​ ధర రూ.230 ఉంటే ఇప్పుడు అది రూ.210లకు వస్తోంది. అదే ఫుల్​ అయితే రూ.920 నుంచి రూ.840 తగ్గింది. అలాగే మాన్షన్​ హౌస్​ క్వార్టర్​ రూ.220 నుంచి రూ.190కు వస్తోంది. అదే ఫుల్​ బాటిల్​ అయితే రూ.760 తగ్గింది. యాంటీక్విటీ విస్కీ పుల్​ రూ.1400కు వస్తోంది.