Andhra Pradesh TET Schedule 2024 Revised :ఆంధ్రప్రదేశ్ రాష్ట్రంలోమెగా డీఎస్సీ ప్రకటించి నిరుద్యోగుల్లో కొత్త ఆశలు చిగురింపజేసిన సర్కార్ అందుకు అనుగుణమైన నిర్ణయాలు చకచకా తీసుకుంటోంది. డీఎస్సీకి ముందు నిర్వహించే టెట్కు ఇప్పటికే షెడ్యూల్ ప్రకటించగా ఆ షెడ్యూల్ను ఇప్పుడు సవరించింది. ఆగస్టు 3 వరకు టెట్ దరఖాస్తులు స్వీకరిస్తామని వెల్లడించింది.
అక్టోబర్ 3 నుంచి అక్టోబర్ 20 వరకు పరీక్షలు నిర్వహిస్తామని, నవంబర్ 2న ఫలితాలు విడుదల అవుతాయని తెలిపింది. ఆంధ్రప్రదేశ్లో16,347 టీచర్‌ పోస్టుల భర్తీకి మెగా డీఎస్సీకి సిద్ధమైన రాష్ట్ర ప్రభుత్వం మరోసారి టెట్ నిర్వహిస్తున్న విషయం తెలిసిందే. జులై 2న టెట్ నోటిఫికేషన్ విడుదల చేసినప్పటికీ అభ్యర్థుల విజ్ఞప్తి మేరకు టెట్, డీఎస్సీలకు సన్నద్ధమయ్యేందుకు మరింత గడువు ఇస్తూ ఇటీవల నిర్ణయం తీసుకుంది.
AP TET 2024 Postponed :ఈ నేపథ్యంలో టెట్ షెడ్యూల్‌లో పలు మార్పులతో సోమవారం సవరించిన నోటిఫికేషన్ విడుదల చేసింది. పాత నోటిఫికేషన్ ప్రకారం ఆగస్టు 5 నుంచి 20వరకు టెట్ పరీక్షలు జరగాల్సి ఉండగా వాటిని అక్టోబర్ 3 నుంచి 20 వరకు నిర్వహించాలని నిర్ణయించింది. డీఎస్సీలో టెట్కు 20శాతం వెయిటేజీ ఉన్న విషయం తెలిసిందే. ఏపీ టెట్ సిలబస్ గురించి అపోహలు వద్దని విద్యాశాఖ కమిషనర్ ఎస్.సురేశ్ కుమార్ సూచించారు.