Allu Arjun Sends Wishes To Pawan Kalyan:రాజకీయాల్లో అదృష్టాన్ని పరీక్షించుకోవాలనుకుంటున్న పవన్ కల్యాణ్కు, ఈ ఎన్నికలు కీలకంగా మారాయి. అందులో భాగంగా, పిఠాపురంలో జనసేన జెండా ఎగరవేసేందుకు ప్రయత్నాలు కొనసాగిస్తున్నారు. ఆయనకు మద్దతుగా సినిమా రంగానికి చెందిన పలువురు హీరోలు, క్యారెక్టర్ ఆర్టిస్టులు, కమెడియన్లు రంగంలోకి దిగారు. పవన్ తరపున ఇంటింటి ప్రచారం చేస్తూ, పవన్ కల్యాణ్ను గెలిపిస్తే నియోజకవర్గంతో పాటుగా రాష్ట్రానికి ఎలాంటి లాభం ఉంటుందో వివరించే ప్రయత్నం చేస్తున్నారు. పలువురు హీరోలు, ఆయన కుటుంబ సభ్యులు సైతం ట్విట్టర్ ద్వారా పవన్ కల్యాణ్ కు తమ మద్దతును తెలుపుతున్నారు.
అల్లు అర్జున్:ఆంధ్రప్రదేశ్ ఎన్నికల్లో జనసేన పార్టీ అధ్యక్షుడు పవన్ కళ్యాణ్ ఆశించిన విజయాన్ని అందుకుంటారని స్టైలిస్ స్టార్ అల్లు అర్జున్ ఆకాంక్షించారు. ఈ మేరకు కుటుంబ సభ్యుడిగా తన ప్రేమ, మద్దతును పవన్ కళ్యాణ్కు ఎల్లప్పుడు ఉంటుందని పేర్కొంటూ ఎక్స్లో పోస్టు చేశారు. రాజకీయ పోరాటంలో పవన్ కళ్యాణ్ తన జీవితాన్ని ప్రజా సేవకు అంకితం చేశారని, పవన్కళ్యాణ్ ఎంచుకున్న మార్గాన్ని చూసి గర్వపడుతున్నట్లు అల్లు అర్జున్ సంతోషం వ్యక్తం చేశారు. తప్పకుండా ఈ ఎన్నికల ప్రయాణంలో పవన్ కళ్యాణ్ ఆశించిన విజయాన్ని అందుకుంటారని ధీమా వ్యక్తం చేస్తూ శుభాకాంక్షలు తెలిపారు. పవన్ కళ్యాణ్ ఎంచుకున్న మార్గాన్ని చూసి గర్వపడుతున్నానని అన్నారు. కుటుంబ సభ్యునిగా నా ప్రేమ, మద్దతు ఎల్లప్పుడు ఉంటుందని, మీరు ఆశించిన విజయం సాధించాలని కోరుకుంటున్నా అని అల్లు అర్జున్ పేర్కొన్నారు.