Alai Balai Program in Hyderabad : ప్రతి ఏటా దసరా మరుసటి రోజు నిర్వహించే అలయ్ బలయ్ కార్యక్రమానికి నాంపల్లి ఎగ్జిబిషన్ మైదానం సర్వం సిద్ధమైంది. హర్యానా గవర్నర్ బండారు దత్తాత్రేయ తెలంగాణ ఉద్యమ సమయంలో రాజకీయాలకు అతీతంగా నాయకులను ఒకే వేదిక మీదకు తీసుకురావాలనే ఉద్దేశ్యంతో 2005లో అలయ్ బలయ్ కార్యక్రమాన్ని ప్రారంభించారు. ఈ అలయ్ బలయ్ కార్యక్రమానికి రాష్ట్ర గవర్నర్ జిష్ణుదేవ్ వర్మ ముఖ్య అతిథిగా హాజరుకానున్నారు.
అలయ్ బలయ్లో పాల్గొననున్న ప్రముఖులు : ఇరు రాష్ట్రాల ముఖ్యమంత్రులు, రాష్ట్ర, కేంద్ర మంత్రులు, మాజీ ఉప రాష్ట్రపతి వెంకయ్య నాయుడు, శాసన సభాపతి గడ్డం ప్రసాద్ కుమార్, మండలి చైర్మన్ గుత్తా సుఖేందర్ రెడ్డి, టీపీసీసీ ఛీఫ్ మహేష్ కుమార్ గౌడ్ రాజకీయాలకు అతీతంగా ఇతర పార్టీల నేతలు అలయ్ బలయ్ కార్యక్రమంలో పాల్గొననున్నారు.