వానాకాలం సీజన్‌కు విత్తన లభ్యతపై తుమ్మల సమీక్ష - పచ్చిరొట్ట విత్తనాల పంపిణీ వివరాలపై ఆరా - Tummala Review on Seed Availability

Minister Tummala Review on Seed Availability : ఖరీఫ్​ సీజన్‌కు విత్తన లభ్యతపై వ్యవసాయశాఖ మంత్రి తుమ్మల నాగేశ్వరరావు సమీక్షించారు. రైతులకు రాయితీపై సరఫరా చేస్తున్న పచ్చిరొట్ట ఎరువులు, విత్తనాల పంపిణీ వివరాలపై మంత్రి ఆరా తీశారు. వివిధ జిల్లాల వ్యాప్తంగా అమ్మకాలు, వివిధ కంపెనీలు మార్కెట్లలో రైతులకు అందుబాటులో ఉంచిన పత్తి ప్యాకెట్ల వివరాల గురించి అధికారులనడిగి తెలుసుకున్నారు. ఇటీవల వర్షాల కారణంగా పచ్చిరొట్ట విత్తనాలకు కొన్ని ప్రాంతాల్లో అధిక డిమాండ్ నెలకొన్నందున, సంబంధిత ఏజెన్సీలతో సీడ్స్, నేషనల్ సీడ్ కార్పొరేషన్‌తో సమన్వయం చేసుకొంటూ అందుబాటులో ఉంచుతున్నామని తెలిపారు.

Minister Tummala Review on Kharif Seed Availability : గత వారం రోజులుగా రాష్ట్రంలో కురుస్తున్న వర్షాల ధాటికి మొత్తం ఒకటేసారి పచ్చిరొట్ట విత్తనాలకు కొన్ని ప్రాంతాల్లో అధికంగా డిమాండ్ ఏర్పడిందని వ్యవసాయ శాఖ మంత్రి తుమ్మల నాగేశ్వరరావు అన్నారు. ఈ ఏడాది వానా కాలం సీజన్‌ పురస్కరించుకుని రైతులకు రాయితీపై సరఫరా చేయనున్న పచ్చిరొట్ట ఎరువుల విత్తనాల పంపిణీ వివరాలు, వివిధ జిల్లాలవ్యాప్తంగా అమ్మకాలు, సన్న రకాల వడ్ల విత్తనాల లభ్యతపై సంబంధిత అధికారులతో సచివాలయంలో మంత్రి సమీక్షించారు.

పచ్చిరొట్ట విత్తనాలు సంబంధిత ఏజెన్సీలు, టీజీ సీడ్స్, నేషనల్ సీడ్ కార్పోరేషన్‌తో సమన్వయం చేసుకొంటూ రైతుల అవసరాల మేరకు అందుబాటులో ఉంచుతున్నామని ఈ సందర్భంగా అధికారులు మంత్రి వద్ద తెలియజేశారు. ఇప్పటికే రాష్ట్రవ్యాప్తంగా 50,942 క్వింటాళ్ల జిలుగు, 11,616 క్వింటాళ్ల జనుము, 236 క్వింటాళ్ల పిల్లి పెసర విత్తనాలు అందుబాటులోకి తీసుకురాగా, 20,518.40 క్వింటాళ్ల విత్తనాలు రైతులు కొనుగోలు చేశారని, ఇంకా 30,400 క్వింటాళ్ల విత్తనాలు రైతులకు అందుబాటులో ఉన్నాయని ప్రస్తావించారు.

రైతులకు అందుబాటులో ఉంచిన పత్తి విత్తనాల వివరాలపై తుమ్మల ఆరా :అందుకోసం రాయితీ భరించేందుకు ప్రభుత్వం 1140.22 కోట్ల రూపాయలు భరిస్తోందని చెప్పుకొచ్చారు. మిగతా విత్తనాలు కూడా సాధ్యమైనంత త్వరగా తెప్పించి రైతులకు అందుబాటులో ఉంచగలమని అధికారులు తెలిపారు. గత సంవత్సరం ఆయా కంపెనీల బకాయిలు అంశం అధికారులు దృష్టికి తీసుకురాగా, వెంటనే ఆ నిధుల విడుదలకు చర్యలు తీసుకుంటామని మంత్రి హామీ ఇచ్చారు. ఈ సంవత్సరం గత ఏడాది కంటే ఎక్కువ 15.75 లక్షల క్వింటాళ్ల విత్తనాలు, తగినంత మేర పంపిణీ జరుగుతుందని, రైతులందరూ ఈ అవకాశం వినియోగించుకోవాలని అన్నారు.

విత్తనాలు అందరికీ అందించే బాధ్యత ఈ ప్రభుత్వానిదని స్పష్టం చేశారు. అన్ని జిల్లాల్లో ఇప్పటికే 56 లక్షల పత్తి ప్యాకెట్లు అందుబాటులో ఉంచి 7.22 లక్షల ప్యాకెట్ల విక్రయం జరిగిందని తెలిపారు. వ్యవసాయ శాఖ ఆధ్వర్యంలో ప్రతి గ్రామంలో కల్తీ విత్తనాల పట్ల అవగాహన సదస్సులు నిర్వహిస్తున్నామని చెప్పారు. అన్ని రకాల బీటీ పత్తి విత్తనాలు సాగు చేసినట్లేతే సరైన యాజమాన్య పద్ధతులు పాటించడం ద్వారా ఒకటే రకం దిగుబడులు వస్తాయని, కాబట్టి రైతులు కేవలం ఒకటి, రెండు రకాలు మెరుగైనవన్న అపోహని వీడనాడాలని సూచించారు.

Minister Thummala Clarity On Bonus For Paddy : శాస్త్రవేత్తల పరిశోధనల ద్వారా వెల్లడైన విషయాన్ని రైతులకు తెలియచేయాలని కోరారు. సన్న రకాల వడ్ల విత్తనాల 13,32,827 క్వింటాళ్లు అందుబాటులో ఉన్నాయని, రాజేంద్రనగర్ ప్రొఫెసర్ జయశంకర్ వ్యవసాయ విశ్వవిద్యాలయంలో విత్తన మేళా కూడా నిర్వహిస్తున్నామని అధికారులు తెలియజేశారు. రాష్ట్రంలో సన్నరకం వరి సాగు ప్రోత్సహించడం ప్రభుత్వ ఉద్దేశం దృష్ట్యా, మొదటి విడతగా వీటికి 500 రూపాయల బోనస్ ప్రకటించామని, అధికారులు ఈ విషయాల పట్ల రైతుల్లో అవగాహన కల్పించాలని మంత్రి ఆదేశాలు జారీ చేశారు.

ఈ వానా కాలంలో ఇప్పటికే 6.26 లక్షల టన్నుల యూరియా, 0.76 లక్షల టన్నుల డీఏపీ, 3.84 లక్షల టన్నుల కాంప్లెక్సు, 0.29 లక్షల టన్నుల ఎంఓపీ ఎరువులు అందుబాటులో ఉంచామని తెలిపారు. ఇది గతంలో ప్రారంభ నిల్వల కంటే చాలా ఎక్కువ అన్నారు. అన్ని స్టాక్ పాయింట్లు రోజువారీ తనిఖీలు చేస్తూ ఎరువుల సరఫరాలో ఎక్కడా ఆటంకం రాకుండా సరఫరా చేయాలని మంత్రి తుమ్మల ఆదేశించారు.