రాష్ట్రంలో విత్తన నిల్వలు పుష్కలంగా ఉన్నాయి : మంత్రి తుమ్మల - Minister thummala On Seeds

Minister Thummala On Availability Of Seeds : రాష్ట్రంలో ఈ సీజన్​కు సరిపడా విత్తన నిల్వలు ఉన్నాయని వ్యవసాయశాఖ మంత్రి తుమ్మల పేర్కొన్నారు. సచివాలయంలోని మంత్రి ఛాంబర్​లో రైతు సంఘాల ప్రతినిధులు ఆయనని మర్యాదపూర్వకంగా కలిశారు. ఇప్పటికే 74,31,016 లక్షల వరకు పత్తి విత్తన ప్యాకెట్లు రైతులకు అందుబాటులో ఉంచామని మంత్రి తుమ్మల అన్నారు.

Minister Thummala On Availability Of Seeds :రాష్ట్రంలో వానాకాలంలో రైతుల సౌకర్యార్థం విత్తన నిల్వలు పుష్కలంగా ఉన్నాయని, కేవలం అదిలాబాద్ జిల్లాలో మాత్రమే రైతులు ఎక్కువ మంది ఒక కంపెనీ విత్తనాల కోసం ఒకటి, రెండు రోజులు వచ్చారని వ్యవసాయ శాఖ మంత్రి తుమ్మల నాగేశ్వరరావు అన్నారు. సచివాలయంలో మంత్రి ఛాంబర్​లో ఆయనను రైతు సంఘాల ప్రతినిధులు మర్యాదపూర్వకంగా కలిశారు. ప్రభుత్వం ఈ వానాకాలం నుంచి అమలు చేసే పథకాలైన రైతుభరోసా, రుణమాఫీ, పంటల బీమాపై వివిధ రైతు సంఘాలతో జిల్లాల వారీగా చర్చించిన విషయాలను అఖిల భారత కిసాన్ కాంగ్రెస్ ఉపాధ్యక్షులు కోదండరెడ్డి, గౌరవ చిన్నారెడ్డి తెలియజేశారు.

కౌలు రైతుల సమస్యలపై : ప్రభుత్వం ఇచ్చిన హామీల మేరకు రైతుభరోసా, రుణమాఫీ అమలు చేస్తుందని ప్రణాళిక సంఘం ఉపాధ్యక్షుడు చిన్నారెడ్డి వెల్లడించారు. ఒక ప్రణాళిక ప్రకారం రైతుల శ్రేయస్సుకు అవసరమైన పథకాలను మంత్రివర్గంలో చర్చించి ముందుకు తీసుకువస్తామని తెలియజేసారు. ఈ సందర్భంగా రాష్ట్రంలో కౌలు రైతులు ఎదుర్కొంటున్న సమస్యల పరిష్కారానికి చర్యలు తీసుకోవాలంటూ రైతు సంఘాల నేతలు తీగల సాగర్, కన్నెగంటి రవి, పశ్య పద్మ, విస్సా కిరణ్, పాకాల శ్రీహరి మంత్రి దృష్టికి తీసుకొచ్చారు. భూ యాజమాన్య హక్కుల చట్టాలు సవరించాల్సిన ఆవశ్యకత వివరించారు.

Minister Thummala On Seeds Issue :ఈ ఖరీఫ్ సీజన్‌లో జీలుగ, పత్తి విత్తనాల లభ్యత గురించి అన్వేష్ రెడ్డి, నలమల వెంకటేశ్వరరావు మంత్రి దృష్టికి తెచ్చారు. తమ పర్యటనల్లో ఆయా విత్తనాల సరఫరా గురించి ఆరాతీసామని, లోటు లేదని తెలిపారు. ఇక పత్తి విత్తన ప్యాకెట్లు ఇప్పటికే 74,31,016 లక్షల వరకు రైతులకు అందుబాటులో ఉంచామని మంత్రి తుమ్మల అన్నారు. ఇవి గత సంవత్సరం ఈ తేదీ నాటికి సరఫరా అయిన 58,75,953 ప్యాకెట్ల కంటే 15,55,063 అదనమని, రైతుల అవసరాల దృష్ట్యా, జిల్లాలకు వారి కోరిక మేరకు ఆయా కంపెనీల విత్తనాలను అందుబాటులో ఉంచుతున్నామని మంత్రి పేర్కొన్నారు.