Virat Kohli ICC Trophy : పరుగుల వీరుడు విరాట్ కోహ్లికి ఐసీసీ మెన్స్ వన్డే క్రికెటర్ ఆఫ్ ది ఇయర్ అవార్డ్ (ICC Mens ODI Cricketer of the Year-2023) వరించింది. 2023 ఏడాదికి గానూ అతడిని ఈ అవార్డుకు ఎంపిక చేసినట్లు తెలిపింది ఇంటర్నేషనల్ క్రికెట్ కౌన్సిల్(ఐసీసీ). ఐసీసీ మెన్స్ వన్డే క్రికెటర్ ఆఫ్ ది ఇయర్ కేటగిరీలో విరాట్కు ఇది నాలుగో అవార్డు కావడం విశేషం. 2012, 2017, 2018, 2023 ఏడాదిల్లోనూ విరాట్కు ఐసీసీ మెన్స్ వన్డే క్రికెటర్ ఆఫ్ ది ఇయర్ అవార్డులు వరించాయి.
10వ ఐసీసీ అవార్డు
ప్రస్తుతం వచ్చిన తాజా అవార్డుతో విరాట్ సరికొత్త రికార్డును సృష్టించాడు. ఇప్పటిదాకా మరే క్రికెటర్కు సాధ్యంకాని మైలురాయిని అందుకున్నాడు. అదే తన కెరీర్లో పది ఐసీసీ అవార్డులను సాధించడం. ఇందులో నాలుగు అవార్డులు ఐసీసీ మెన్స్ వన్డే క్రికెటర్ ఆఫ్ ది ఇయర్ కేటగిరీలోనే వచ్చాయి.
విరాట్కు ఆమడ దూరంలో
ఐసీసీ మెన్స్ వన్డే క్రికెటర్ ఆఫ్ ది ఇయర్ విభాగంలో ఇప్పటివరకు 4 అవార్డులను సాధించిన విరాట్ రికార్డ్కు దరిదాపుల్లో మరే క్రికెటర్ లేరు. మొత్తంగా ఇప్పటిదాకా 10 ఐసీసీ ట్రోఫీలను దక్కించుకున్న ఈ పరుగుల వీరుడు అత్యధిక ఐసీసీ టైటిల్స్ను గెలిచిన ఆటగాళ్ల లిస్ట్లో మొదటిస్థానంలో కొనసాగుతుండగా, రెండో స్థానంలో శ్రీలంక ప్లేయర్ 4 అవార్డులతో కుమార సంగక్కర్, టీమ్ఇండియా మాజీ ప్లేయర్ ఎంఎస్ ధోనీ ఉన్నారు. క్రికెట్ చరిత్రలోనే కనీసం 5 ఐసీసీ ట్రోఫీలను కూడా మరే ఆటగాడు ఇప్పటివరకు గెలవకపోవడం గమనార్హం.