BSNL Recharge Plan: ప్రస్తుతం మార్కెట్లో ఉన్న ఖరీదైన రీఛార్జ్ ప్లాన్లతో మొబైల్ వినియోగదారుల జేబులకు చిల్లు పడుతున్నాయి. TRAI ఆదేశాలతో ఇటీవలే ప్రముఖ ప్రైవేట్ టెలికాం కంపెనీలు కాలింగ్, SMS ఓన్లీ ప్లాన్లను ప్రారంభినా వాటి ధరలు కూడా ఎక్కువగానే ఉన్నాయి. దీంతో తక్కువ ధరలోనే రీఛార్జ్ ప్లాన్స్ ఏ నెట్‌వర్క్ ఇస్తుందోనని యూజర్లు చూస్తున్నారు.
ఇలాంటి పరిస్థితుల్లో వీరందరికీ ప్రభుత్వ యాజమాన్యంలోని ఏకైక టెలికాం సంస్థ BSNL ఓ ప్రత్యామ్నాయంగా మారింది. ఈ కంపెనీ చౌకైన రీఛార్జ్ ప్లాన్‌లకు ప్రసిద్ధి చెందింది. ఈ సందర్భంగా తక్కువ ధరలో ఎక్కువ రోజుల వ్యాలిడిటీతో BSNL అందిస్తున్న ప్లాన్ల గురించి తెలుసుకుందాం రండి. అది కూడా కేవలం రూ. 900లోపు ధరతో ఉన్న రీఛార్జ్ ప్లాన్ల వివరాలు మీకోసం.
BSNL రూ. 897 రీఛార్జ్ ప్లాన్: మీరు ఎక్కువ కాలం వ్యాలిడిటీతో కాల్, డేటా, SMS సౌకర్యాలను అందించే ప్లాన్ కోసం చూస్తున్నట్లయితే ఈ రీఛార్జ్ ప్యాక్ మీకు ఉపయోగకరంగా ఉంటుందని చెప్పొచ్చు. ఎందుకంటే ఇది కేవలం 897 రూపాయలకే 180 రోజులు అంటే దాదాపు 6 నెలల వ్యాలిడిటీతో వస్తుంది. ఈ వ్యాలిడిటీ వ్యవధిలో వినియోగదారులు దేశవ్యాప్తంగా ఉచిత కాలింగ్ ప్రయోజనాలను పొందుతారు. దీనితో పాటు కస్టమర్లు రోజుకు 100 SMSలు లభిస్తాయి. అంతేకాదండోయ్ BSNL ఈ రీఛార్జ్ ప్లాన్తో 180 రోజుల పాటు మొత్తం 90GB డేటాను కూడా అందిస్తోంది.
BSNL రూ. 797 రీఛార్జ్ ప్లాన్: BSNL నుంచి తక్కువ ధరలో ఎక్కువ బెనిఫిట్స్ను అందించే ప్లాన్లలో ఇది ఒకటి. ఇది ఏకంగా 300 రోజులు అంటే దాదాపు 10 నెలల వ్యాలిడిటీతో వస్తుంది. ఈ రీఛార్జ్తో సబ్‌స్క్రైబర్‌లు జియో, వొడాఫోన్-ఐడియా(Vi), ఎయిర్టెల్ వంటి అన్ని నెట్‌వర్క్‌లలో అన్లిమిటెడ్ వాయిస్ కాలింగ్‌ను ఆస్వాదించవచ్చు. అయితే ఈ ప్లాన్తో కస్టమర్లు 60 రోజుల పాటు మాత్రమే అన్లిమిటెడ్ కాల్స్ ప్రయోజనాలను పొందగలరు.
అదేవిధంగా కంపెనీ ఈ ప్లాన్తో మొత్తం 600GB డేటాను అందిస్తుంది. వినియోగదారులు మొదటి 60 రోజుల పాటు ప్రతిరోజూ 2GB డేటాను ఉపయోగించగలరు. ఆ తర్వాత డేటా స్పీడ్ 40 kbpsకి తగ్గుతుంది. అంతేకాక ఈ ప్లాన్తో SMS ప్రయోజనాలు కూడా అందుబాటులో ఉన్నాయి. ఈ రీఛార్జ్తో మొదటి 60 రోజుల వరకు మీరు ప్రతిరోజూ 100 SMSలను పంపగలరు.
వీటితో పాటు BSNL నుంచి ఎక్కువ రోజుల వ్యాలిడిటీతో మంచి బెనిఫిట్స్ను అందించే మరో రీఛార్జ్ ప్లాన్ కూడా ఉంది. అయితే దీని ధర 1,198 రూపాయలు. దీర్ఘకాలిక వ్యాలిడిటీ కోసం BSNL ఈ రీఛార్జ్ ప్లాన్ను ప్రత్యేకంగా తీసుకొచ్చింది. ఈ రీఛార్జ్ ప్లాన్ 365 రోజుల వాలిడిటీతో వస్తుంది. అంటే మీరు ఈ రోజు ఈ రీఛార్జ్ చేస్తే 2026 వరకు కొత్త రీఛార్జ్ చేయాల్సిన అవసరం లేదు. అలాగే డ్యూయల్ సిమ్ వినియోగదారులకు ఈ ప్లాన్ చాలా ఉపయోగకరంగా ఉంటుంది. సిమ్‌ను ఎక్కువ కాలం యాక్టివ్‌గా ఉంచడానికి ఈ ప్లాన్ చాలా బాగుంది. ఇది మాత్రమే కాకుండా ఈ ప్లాన్లో అనేక ఇతర ప్రయోజనాలు కూడా అందుబాటులో ఉన్నాయి.
ఈ ప్లాన్తో కంపెనీ ఒక సంవత్సరం చెల్లుబాటుతో నెలకు 300 నిమిషాల కాలింగ్ బెనిఫిట్ను అందిస్తోంది. మీరు ప్రతి నెలా 300 నిమిషాల వరకు ఉచితంగా కాల్స్ చేసుకోవచ్చు. దీనితో పాటు ఈ ప్లాన్లో ప్రతి నెలా 3GB డేటా, 30 SMSలు కూడా లభిస్తాయి. అంటే మీరు ఈ రీఛార్జ్ ప్లాన్తో దీర్ఘకాలిక వ్యాలిడిటీతో పాటు కాల్ అండ్ డేటా ప్రయోజనాలను కూడా పొందొచ్చు. ఇది BSNL నుంచి ఏడాది పాటు వ్యాలిడిటీతో అందుబాటులో ఉన్న చౌకైన రీఛార్జ్ ప్లాన్.
క్రూ-10 మిషన్లో కీలక మార్పులు!- షెడ్యూల్ కంటే ముందుగానే భూమికి సునీతా?
గీక్బెంచ్లో శాంసంగ్ అల్ట్రా-స్లిమ్ ఫ్లాగ్షిప్ ఫోన్!- దీని ప్రాసెసర్ గురించి తెలిసిపోయిందిగా!
హై మైలేజ్ ఎలక్ట్రిక్ స్కూటీ లాంఛ్- ధర తక్కువ ఫీచర్స్ ఎక్కువ!
