Under - 19 World Cup IND VS PAK : అండర్ 19 వరల్డ్ కప్ 2024లో పాకిస్థాన్ సెమీఫైనల్కు అర్హత సాధించింది. నాకౌట్ చేరాలంటే తప్పక గెలవాల్సిన మ్యాచ్‌లో థ్రిల్లింగ్ విక్టరీని అందుకుంది. ఉత్కంఠగా సాగిన తమ ఆఖరి సూపర్ సిక్స్‌ మ్యాచ్‌లో 5 పరుగుల తేడాతో బంగ్లాదేశ్ను ఓడించి సెమీస్కు బెర్త్ను ఖరారు చేసింది.
ఈ మ్యాచ్‌లో మొదట బ్యాటింగ్కు దిగిన పాకిస్థాన్ 40.4 ఓవర్లలో 155 పరుగులకే ఆలౌట్ అయింది. అరఫత్ మిన్‌హాస్(40 బంతుల్లో 34; 4 ఫోర్లు, సిక్స్‌), షెహ్‌జైబ్ ఖాన్(67 బంతుల్లో 26; 3 ఫోర్లు) పర్వాలేదనిపించారు. బంగ్లా బౌలర్లలో రోహనత్, షేక్ జిబాన్ నాలుగేసి వికెట్లు పడగొట్టగా, రెహ్మాన్ రబ్బీ ఓ వికెట్ తీశాడు. అనంతరం లక్ష్యచేధనకు దిగిన బంగ్లాదేశ్ 35.5 ఓవర్లలో 150 పరుగులకే కుప్పకూలింది. మహమ్మద్ షిహాబ్ జేమ్స్(26), రోహనత్(21 నాటౌట్) రాణించారు. పాకిస్థాన్ బౌలర్లలో ఉబైద్ షా(5/44) ఐదు వికెట్లతో బంగ్లాపై విరుచుకుపడ్డాడు. తన బౌలింగ్తో పాక్‌కు థ్రిల్లింగ్ విక్టరీని అందించాడు. అతడితో పాటు అలి రాజా మూడు వికెట్లు పడగొట్టగా, మహమ్మద్ జీషాన్ ఓ వికెట్ తీశాడు. ఇక ఈ విజయంతో పాక్ నాలుగో జట్టుగా సెమీఫైనల్ బెర్త్ను ఖరారు చేసుకోగా ఇప్పటికే టీమ్ఇండియా, ఆస్ట్రేలియా, సౌతాఫ్రికా సెమీస్ అర్హత సాధించాయి.